Zekaria 2:12 - MUMA MALER 2015

¹² Eka unung’e ni kara Ruoth Nyasaye Manyalo Gik Moko Duto ema ne oora iru. Ruoth Nyasaye biro chako kawo piny Juda kendo ka mare owuon e piny maler mi ochak otim Jerusalem dala moyiero.

Motingʼo Loko Manyien

¹² Jehova Nyasaye nokaw Juda kaka girkeni mare e piny maler, kendo enochak oyier Jerusalem.

Zekaria 2:12 ပူးပေါင်းရင်းမြစ်များ

2 Weche mag Ndalo 6:6

kendo ne ok ayiero ng’at moro obed jatend joga Israel, mak mana Daudi.’

Zaburi 105:15

“Kik umul joga maseyiero, kendo kik utim ni jonabi maga marach.”

Zaburi 132:13

Ruoth Nyasaye notim kamano nikech oseyiero Sayun kodwaro ni mondo kar dakne obed kanyo.

Zaburi 132:14

Nowacho niya, “Kanyo ema nobed kar yueyona nyaka chieng’. Adier, kanyo ema adwaro dakie.

Zaburi 135:4

Ne oyiero Jakobo mondo obed ng’ate. Adier, noyiero jo-Israel mondo obed joge owuon.

Zaburi 33:12

Oganda ma Ruoth Nyasaye e Nyasachgi nigi hawi. Ee, joma oseyiero mondo obed joge owuon gin joma oguedhi.

Zaburi 82:8

A Nyasaye, bi mondo irit piny gi adiera, nimar ogendini duto gin magi.

Isaya 14:1

Ruoth Nyasaye biro kecho jo-Israel ma nyikwa Jakobo, mi ochak oyiergi, kendo oketgi e pinygi giwegi. Jopinje mamoko nobi mondo odag kodgi, mi gilokre jo-Israell.

Isaya 17:14

Kihondko nomak jo-Israel godhiambo, gokinyi to wasikgi norum pep! Mano e pok mowinjore gi joma yakowa.

Isaya 41:9

ne aluongou mondo ua kuonde maboyo. Aseluongou ni jotichna, kendo aseyierou ma ok awitou.

Jeremia 10:16

Nyasach Jakobo to ok chal gi gigo, nimar en ema ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Jeremia 30:16

Ji duto matiekou bende notieki, kendo wasiku noter mabor e tuech. Ji duto mathirou bende nothir, kendo joma yakou bende noyaki.

Jeremia 51:19

Nyasach Jakobo to ok chal gi gigo, nimar en ema ne ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Zekaria 1:17

To bende malaikano nowachona ni mondo anyis ji ni, Ruoth Nyasaye wacho kama: “Miecha duto biro pong’ gi gik moko mabeyo, mi anachak aho Sayun, kendo anatim Jerusalem dala ma ayiero.”

Zekaria 3:2

Eka malaika mar Ruoth Nyasaye nowacho ni Satan niya, “Yaye Satan, Ruoth Nyasaye mondo okweri! Adier, Ruoth Nyasaye moseyiero Jerusalem obed mare owuon, mondo okweri! Ng’atni donge chalo gi yien moyudhi kaliel e mach?”

Rapar mar Chik 32:10

Noyudo ogandano e thim malich ma ondiegi rutoe, mi nolworogi koni gi koni, moritogi maber.

Rapar mar Chik 32:9

To Ruoth Nyasaye owuon noyiero joka Jakobo mondo obed joge owuon, kendo obed mwandune.