Zekaria 2:1 - MUMA MALER 2015

¹ Ne ating’o wang’a mi aneno ng’ato koting’o tond pimo e lwete.

Motingʼo Loko Manyien

¹ Ne atingʼo wangʼa kendo angʼicho mi naneno ngʼat moro motingʼo tond pimo e lwete!

Zekaria 2:1 ပူးပေါင်းရင်းမြစ်များ

Isaya 54:16

An ema achueyo jatheth ma chwako chuma e mach, eka othedhogo gi lweny. Bende an ema achweyo jolweny ma kedo gi gigo, ka kethogo gik moko.

Jeremia 31:39

Tong’ne nodhi koa kanyo kochomo yo podho chieng’, nyaka got Gareb, mi olwor nyaka Goah.

Jeremia 48:25

Duong’ mar Moab oseng’iny matinditindo, kendo tekone osekethi. An Ruoth Nyasaye ema awacho kamano.

Ezekiel 40:3

Ruoth Nyasaye ne otera machiegni gi udigo, mi apo kaneno ng’at moro marieny ka mula. Ne ochung’ e dhorangach, koting’o tol mipimogo gik moko, kod rapim mar bao e lwete.

Ezekiel 40:5

Gima ne aneno ne en Hekalu, kendo ne nitie ohinga molwore. Ng’at mane aseneno cha nogolo rapim mar bao ma borne mita adek, mi opimogo ohinga. Borne noromo mita adek to lach mar kore bende mita adek.

Ezekiel 47:3

Ng’atno nochomo yo wuokchieng’, koting’o tol mipimogo. Nowuotho e bath aora nyaka koma oromo mita mia abich. Eka nomiyo ayoro aorano kanyo, manwang’o ni pi ochopo mana e ombong’na.

Ezekiel 47:4

Ne ochako opimo kama oromo mita mia abich. Eka nomiyo ayoro kanyo kendo, to koro ne ochopo e chonga. Bang’ mano ne ochako opimo mita mia abich, mi kane ochako omiyo ayoro pigno, to ne otundo e nungona.

Daniel 7:7

Bang’ mano, kane pod aleko, ne achako aneno ondiek mar ang’wen. Ne onenore malich ahinya, kendo ne en gi teko mang’eny. Bende ne en gi leke madongodongo mag chuma, kendo ne osiko ochiemo achiema konyono gimoro amora modong’ e piny. En ne ok ochal gi ondiegi adek mamoko ka, kendo ne en gi tunge apar.

Zekaria 1:16

Emomiyo an Ruoth Nyasaye awacho kama: Aseduogo Jerusalem gi ng’wono mondo akeche. Omiyo kanyo ema ibiro chako igeroe oda, kaachiel gi udi mamoko duto.’ ”

Zekaria 1:18

Ne ating’o wang’a mi aneno tunge ang’wen.

Fweny 11:1

Eka ne omiya odundu machalo gi luth mar rapim, mi owachna niya, “A malo mondo ipim Hekalu mar Nyasaye kod kendo-mar-misango, kendo mondo ikwan joma lemo e iye kanyo.

Fweny 21:15

Malaika mane wuoyo kodano, ne nigi luth mar rapim molos gi dhahabu mopimogo dalano gi dhorangeyene kod ohingane.