Zekaria 14:9 - MUMA MALER 2015

⁹ Chakre chieng’no, Ruoth Nyasaye nobed ruodh piny ngima, kendo ji duto nolame ka Nyasachgi, mi ng’eye gi nyinge achiel ma Ruoth Nyasaye.

Motingʼo Loko Manyien

⁹ Jehova Nyasaye nobed gi loch e piny duto. Chiengʼno Jehova Nyasaye nobed achiel, kendo nyinge nobed achiel kende.

Zekaria 14:9 ပူးပေါင်းရင်းမြစ်များ

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

Zaburi 67:4

Onego ogendini duto bed mamor, kendo wer gi ilo, nikech ing’adonigi bura gi adier, kendo itelonigi duto.

Zaburi 72:17

Wich kik wil gi nyinge, kendo humbe mondo osiki nyaka chieng’. Ogendini duto mondo opake, kendo onego ji duto kwa Nyasaye mondo oguedhgi kaka oseguedho ruoth.

Zaburi 86:9

Ogendini duto ma isechueyo, A Ruoth Nyasaye, biro kuloreni, kendo gibiro miyo nyingi duong’,

Zaburi 97:1

Ruoth Nyasaye e ruoth adier! In piny, bed mamor! Un pinje manie dier nam, bende beduru gi ilo.

Isaya 45:21

Biuru, uwach wachu ane, ka upenjoru ng’ato gi ng’ato. En ng’a mane okoro ni Kuros biro locho kamano? Koso en ng’a mane owacho chon ni gigo biro timore? Donge ne en mana an, Ruoth Nyasaye? Onge nyasaye moro mak man an, man gi loch, kendo manyalo reso ng’ato. Ooyo, onge moro mak mana an.

Isaya 54:5

nimar Jachwechni e chwori! Nyinge en Ruoth Nyasaye Manyalo Gik Moko Duto. Adier, Jawarni en Ng’ama Ler mar Israel, ma iluongo ni Nyasach piny ngima.

Jeremia 23:6

E ndalo lochne, jo-Juda nodag gi kue, kendo jo-Israel bende nodag maonge ng’ama chandogi. Ginichak ruodhno ni ‘Ruoth Nyasaye ma resowa.’ ”

Daniel 7:27

Eka teko kod duong’ mar ruodhi duto mae piny nochiw ni jo-Nyasaye Maduong’ Moloyo. Tekogi mag loch mar rito piny nosik mochwere, kendo ruodhi duto mae piny nobed katiyonigi kendo miyogi luor.”

Amos 9:12

Bang’e jo-Israel nolo jo-Edom modong’ kaachiel gi ogendini mamoko duto ma chon yande meka.” Ruoth Nyasaye mabiro miyo gima kamano timore owacho kamano.

Obadia 1:21

Jo-Israel biro dhi e got Sayun mondo oresi, mi god Esau nobed e bwo lochgi. To Ruoth Nyasaye ema nobed ruoth.

Mika 5:4

To wuowino nobi, mi nobed jatend joge, koritogi gi teko kod duong’ moa kuom Ruoth Nyasaye. Joge nodag maber, nikech ji duto manie piny noyie lochne,

Habakuk 2:14

Kinde biro chopo ma joma ong’eyo duong’ mar Ruoth Nyasaye nopong’ie piny ka, mana ka pi mopong’o nam.

Zefania 3:9

Bang’e anapwodh dho ji mondo an Ruoth Nyasaye ema gilama, ka gitiyona gi chuny achiel.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Malaki 1:14

Okuong’ ng’at ma jawuond ma timona misango gi chiayo modwanyore kamano mondo ochopgo kuong’ruokne, to oweyo chiache maber e kul. An e ruodh ruodhi, kendo ogendini duto oluora!”

Mathayo 1:23

“Nyako nomak ich, mi nonywol wuowi, kendo nochake ni Emanuel, tiende ni, Nyasaye ni kodwa.”

Mathayo 28:19

omiyo dhiuru ulok ogendini duto jopuonjrena, kubatisogi e nying Wuoro gi Wuowi gi Roho Maler,

Rapar mar Chik 6:4

“Winjuru un jo-Israel. Ruoth Nyasaye e Nyasachwa, en e Ruoth Nyasaye, kendo en kende e Nyasaye.

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

1 Samuel 2:10

Joma piem gi Ruoth Nyasaye notur matindotindo, komiyo polo mor kuomgi. Ruoth Nyasaye ng’ado bura e tung’ piny gi tung’ piny. Enomi ruoth moyiero duong’, kendo nomede teko.”