Zekaria 14:6 - MUMA MALER 2015

⁶ Chakre chieng’no koyo gi pe ok nobedie.

Motingʼo Loko Manyien

⁶ Chiengʼno ler kata koyo kata ngʼich ok nobedie.

Zekaria 14:6 ပူးပေါင်းရင်းမြစ်များ

Zaburi 112:4

Ong’won kendo okecho ji. En e ler marieny e mudho ni joma beyo.

Isaya 13:10

Sulue mag polo ok norieny, kendo wang’chieng’ nolokre mudho ka wuok. Due bende ok norieny.

Isaya 24:23

Due norieny matiptip, kendo wang’chieng’ bende noimre, nikech Ruoth Nyasaye Manyalo Gik Moko Duto nogur lochne e got Sayun man Jerusalem, mi duong’ne maler norieny e nyim jodonge.

Isaya 50:10

Ere ng’ato kuomu moluoro Ruoth Nyasaye, kendo winjo dwond jatichne, bende ma wuotho kuonde motimo mudho, to ok ne ler kata matin? Ng’at ma kamano mondo ogen kuom Ruoth Nyasaye.

Jeremia 4:23

Bang’e narango piny, maneno ni onge gi kido. Polo bende ne onge gima rienyie.

Ezekiel 32:7

Chieng’ ma atieki, to abiro miyo polo imore mi sulue ok norieny. Anaum wang’chieng’ gi boche polo, mi due bende ok norieny.

Ezekiel 32:8

Kamano anagol ler duto mag polo, mi ami pinyi tim mudho. An Ruoth Nyasaye ema awacho kamano.

Hosea 6:3

Weuru wabolre kendo watem bedo joma ong’eyo Ruoth Nyasaye, nimar obiro biro irwa adier, mana ka piny ma jaru pile. Bende obiro biro mondo oguedhwa, mana na koth ma miyo piny bedo mang’ich.”

Joel 2:2

Enobed chieng’ mudho machil, chieng’ mudho mandiwa kendo motimo rumbi. Rumbi maduong’ mar bonyo imo gode, kendo obiro mang’eny mana ka oganda jolweny marateke. Gima chal kodgi pok obetie, bende ok nobedie.

Joel 2:30

Anatim honni e polo kendo e piny, mondo obed ranyisi. Remo gi mach kod iro madhuolore nobedie,

Joel 2:31

wang’chieng’ nolokre mudho, kendo due nolokre makwar ka remo, ka pok chieng’ maduong’ miwuoro mar Ruoth Nyasaye ochopo.

Johana 1:5

Lerno rieny e mudho, to mudho pok oime.

Johana 12:46

An e ler, kendo asebiro e piny mondo ng’at moyie kuoma kik sik e mudho.

Tich Joote 2:16

To ma e gima janabi Joel nowuoyo kuome ni,

Tich Joote 2:19

Anatim honni e polo malo, kendo naket ranyisi e piny mwalo, kaka remo gi mach kod iro madhuolore.

Jo-Kolosai 1:12

Gouru erokamano gi mor ni Wuoro, ma osemiyo ubedo joma owinjore yudo gueth kaachiel gi joge owuon e piny ler.

2 Petro 1:19

Omiyo wamedo yie matek moloyo kuom wach mane jonabi okoro. Ber mondo urit wachno chuth, nikech en kaka taya maliel kama otimo mudho, nyaka piny yawre, mi sulue mar okinyi wuog karieny e chunyu.

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

Fweny 11:3

To abiro miyo jonenona ariyo teko. Ginirwakre gi gunia, kendo ginihul wach moa kuom Nyasaye kuom ndalo alufu achiel gi mia ariyo kod piero auchiel.”