Zekaria 14:12 - MUMA MALER 2015

¹² Ruoth Nyasaye nogo ogendini duto mane okedo gi Jerusalem gi tho marach. Thono nochal kama: Ringregi notow mana ka gichung’ gi tiendgi, kendo wengegi notow mana e wigi, to lewgi bende notow mana e dhogi.

Motingʼo Loko Manyien

¹² Masira ma Jehova Nyasaye biro goyogo pinje duto mosebedo kakedo gi Jerusalem en ma: Ringregi biro tow ka gichungʼ, wengegi biro tow, kendo lewgi biro tow ei dhogi.

Zekaria 14:12 ပူးပေါင်းရင်းမြစ်များ

2 Weche mag Ndalo 21:15

to niluwo mana timbe ruodhi mag Israel. Bende nimiyo jo-Juda gi jo-Israel oweyo Ruoth Nyasaye kaka dhood Ahab nomiyo jo-Israel oweye, kendo ninego oweteni ma yawuot wuoru mane joma kare moloyi.’ ”

Ayub 18:13

Tuo marach omako dende duto, kendo miyo bedene kod tiendene kethore.

Zaburi 90:11

Ere ng’ama ong’eyo teko duto mar mirimbi? Koso ere ng’ama ong’eyo luoro ma gero mari kelo?

Tim jo-Lawi 26:16

to ng’euru malong’o ni anatimnu kama: Anapou gi masira kendo gi tho marach kod tuo mayuyo wang’, kendo mamiyo del dhi. Chambu muchwoyo ok nokonyu, nimar wasiku ema nochamgi.

Tim jo-Lawi 26:18

“Ka pod utamoru winja bang’ gigo duto, to anamed kumou nyadibiriyo kuom richou.

Tim jo-Lawi 26:21

“To kapod upiem koda, mutamoru winja, to nakelnu masiche nyadibiriyo marom gi richou.

Tim jo-Lawi 26:24

an bende napiem kodu, kendo namiu kum nyadibiriyo nikech richou.

Tim jo-Lawi 26:28

to an bende nasik kapiem kodu gi mirimba mager, mi nakumu nyadibiriyo nikech richou.

Zekaria 1:15

Akecho ahinya gi ogendini ma neno maber, nikech kane pok mirima omaka ahinya gi joga to ne gisandogi moloyo kaka owinjore.

Zekaria 12:9

Bende anatiek ogendini duto mabiro mondo omonj Jerusalem.

Zekaria 14:15

Bende tho machalo gi mano mane ogoyo jogo nogo farese gi nyumbu gi ngamia kod kenje manie kambi mag wasigu, mi neg pep.

Zekaria 14:18

Bende ka jo-Misri ok odhi mi ochopo e dalano, to giniyud tuo machal gi mano ma Ruoth Nyasaye biro kelo ni oganda moro amora ma ok odhi mondo otim Sap Kiche.

Zekaria 14:3

Eka Ruoth Nyasaye nowuogi mi ked gi ogendinigo mana ka gima okedo e paw lweny.

Zekaria 2:4

“Ring idhi iwachne wuowi man gi rapimno ni Jerusalem biro bedo dala maonge gi ohinga, nikech ji mabiro dakie kaachiel gi jamni nobed mang’eny mohinge.

Tich Joote 12:23

Gikanyono malaika mar Ruoth Nyasaye nogoyo Herode, nikech ne ok omiyo Nyasaye duong’. Bang’e kudni nochamo dende, mi otho.

Rapar mar Chik 28:21

Ruoth Nyasasye biro goyou gi tuoche nyaka tieku ua e piny mudonjoe mondo ukaw.

Rapar mar Chik 28:22

Ruoth Nyasaye biro goyou gi kahera gi midhusi gi tuo akuodi kod gwonyo, kendo kelonu oro, mi cham rochre ewi dongo. Gigo duto biro thagou nyaka urum.

Rapar mar Chik 28:59

to ubiro kelo kuomu, kendo kuom nyikwau, masiche malich kendo miwuoro, kod tuoche maywayo ji kuom kinde malach.

Fweny 17:16

To tunge apar mane ineno, kaachiel gi ondiegno, nobed mamon gi dhako ma jachodeno. Ginikeye nono mi giweye duk. Ginicham ringre, kendo giniwang’e pep gi mach,