Zekaria 14:10 - MUMA MALER 2015

¹⁰ Piny duto mokiewo gi Jerusalem nobed mopie ka pap, chakre Geba, kochomo milambo nyaka Rimon. Jerusalem to nosik koting’ore ating’a kama entie, chakre dhorangach miluongo ni Dhoranga Benjamin, nyaka dhorangach man yo kama ohinga ogomogo, kendo chakre kama oger mabor mar ng’icho mar Hananel nyaka kuonde mibiyoe mzabip ruoth. (Kuma ohinga ogomogo, chon ne nitie dhorangach moro.)

Motingʼo Loko Manyien

¹⁰ Piny duto, chakre Geba nyaka Rimon, yo milambo mar Jerusalem nobed machal gi Araba. To Jerusalem notingʼ malo, kendo enosik kama entie, chakre dhoranga Benjamin kidhi e Dhorangach Mokwongo nyaka e Dhorangach manie kona; kendo koa e ohinga mar Hananel ma gin kuonde biyo mzabibu mar ruoth.

Zekaria 14:10 ပူးပေါင်းရင်းမြစ်များ

1 Ruodhi 15:22

Eka ruoth Asa noluongo jo-Juda duto, maonge ng’ama odong’. Ne gigolo kite gi yien duto mane Baasha gerogo ohinga mar Rama, mi Ruoth Asa nochielogo Geba manie piny Benjamin, kod Mizpa.

2 Ruodhi 14:13

Jehoash ruodh Israel nomako Amazia wuod Joash ma wuod Ahazia ruodh Juda, e Beth-shemesh. Nodhi Jerusalem, momuko bath ohinga ma borne mita mia ariyo, chakre dhoranga Efraim nyaka dhorangach kama ohinga ogomogo.

1 Weche mag Ndalo 4:32

Miechgi abich mamoko ne gin Etam gi Ain gi Rimon gi Token kod Ashan,

1 Weche mag Ndalo 6:77

Joka Merari modong’ noyudo Rimona gi Tabor, kaachiel gi legegi e piny Zebulun.

2 Weche mag Ndalo 25:23

Jehoash ruodh Israel nomako Amazia wuod Joash ma wuod Ahazia, ruodh Juda, e Beth-Shemesh, modwoko Jerusalem. Nomuko bath ohinga mar Jerusalem ma borne mita mia ariyo, chakre dhoranga Efraim nyaka dhorangach kama ohinga ogomogo.

2 Weche mag Ndalo 26:9

Nogero kuonde maboyo mag ng’icho e Jerusalem e dhorangach kama ohinga ogomogo, gi e dhoranga Hoho, kod e giko ohinga, moketoe gilweny.

Nehemia 12:39

Ne wakadho Ranga Efraim gi Ranga Dala Machon gi Ranga Rech gi kama oger mabor mar ng’icho mar Hananel kod mar Hamea nyaka wachopo e Ranga Rombe. Mi ne gichung’ e Ranga Od Jorito.

Nehemia 3:1

Eliashib jadolo maduong’ kod jodolo mamoko ne jochako tich, mogero Rangach miluongo ni Ranga Rombe. Ne gichungo sirni mage, mi girwako thikene. Ne gigero ohinga mochopo kama oger mabor mar ng’icho mar Hamea, kendo nyaka kama oger mabor mar ngicho mar Hananel. Eka ne giguedhe.

Isaya 10:29

gisebiro gi yo maluwo Maabara, mi gibworo Geba. Jo-Rama kibaji goyo, kendo jo-Geba, dala Saulo, kihondko omako.

Isaya 2:2

“E ndalo mabiro, got ma Hekalu ochung’ie nobed mabor moloyo gode moko duto, kendo ogendini duto nodhi kanyo,

Jeremia 20:2

nogolo chik mochwad Jeremia, kendo otueye e lodi e dhoranga Hekalu miluongo ni Ranga Benjamin mamalo.

Jeremia 30:18

Ruoth Nyasaye wacho niya, “Abiro dwoko nyikwa Jakobo e pinygi, mi aguedh ng’ato ka ng’ato e ode. Dala ka dala nochak oger mana kama ne entie, kendo ot ka ot ji nodagie mana kaka nodakie chon.

Jeremia 37:13

To kane ochopo e dhorangach miluongo ni Ranga Benjamin, jatend jolweny mane tiyo kanyo, ma nyinge Irija wuod Shelemia ma nyakwar Hanania, nochunge, mi owachone niya, “Iringo idok ni jo-Babulon!”

Jeremia 38:7

To Ebed-melek, ja-Ethiopia ma jatich mabuoch mane tiyo e od ruoth, ne owinjo ni jodongogo onyumo Jeremia e sokono. E sano ne oyudo ka ruoth nie bura e dhorangach miluongo ni Ranga Benjamin.

Amos 9:11

“Chieng’no anachung’ e dhood Daudi mosebet ka ot molokore gunda. Analos kuonde momukore mondo oduog maber. Abiro gere kendo, mi alose machal gi kaka nochal chon.

Mika 4:1

E ndalo mabiro, got ma Hekalu ochung’ie nobed mabor moloyo gode moko duto, kendo ogendini mang’eny nodhi kanyo.

Zekaria 12:6

“E kindeno anami dhout Juda bed ka mach manie bungu kata manie puoth tiang’. Ginitiek ogendini duto mokiewo kodgi koni gi koni. Jo-Jerusalem to nodag gi kue e dalagi.

Zekaria 2:4

“Ring idhi iwachne wuowi man gi rapimno ni Jerusalem biro bedo dala maonge gi ohinga, nikech ji mabiro dakie kaachiel gi jamni nobed mang’eny mohinge.

Zekaria 8:3

Koro an Ruoth Nyasaye awacho ni aseduogo Sayun kendo abiro dak Jerusalem. Jerusalem ibiro luongo ni, ‘Dala ma Adiera Nitie’, kendo god Ruoth Nyasaye Manyalo Gik Moko Duto noluong ni, ‘Got Maler’.

Joshua 15:32

gi Lebaoth gi Shilhim gi Ain kod Rimon. Giduto ne gin mier piero ariyo gochiko.

Joshua 21:17

To e piny jo-Benjamin nomigi mier ang’wen mane gin Gibeon gi Geba

Jong’ad Bura 20:45

Joma notony noringo kochomo Lwanda Rimon, to ji alufu abich kuomgi noneg e yo. Jo-Israel nolawo joma nodong’, monego alufu piero ariyo moko kendo.

Jong’ad Bura 20:47

To ji mia auchiel notony, moringo odhi e thim nyaka Lwanda Rimon, mi gidak kuno kuom dueche ang’wen.

Jong’ad Bura 21:13

Bang’e jo-Israel duto nooro joote mondo odhi ir jo-Benjamin mane ni e bur lwanda man Rimon, mondo olos kodgi winjruok.