Zekaria 13:9 - MUMA MALER 2015

⁹ Bang’e anaket achiel kuom adek nogono e mach mondo opwodhgi maler mana kaka ipwodho fedha. Adier, natemgi mana kaka itemo dhahabu. Bang’e ginilama, mi anadwok kwayogi, an awuon. Anawachnigi ni gin joga. Gin to giniwach ni an Nyasachgi.”

Motingʼo Loko Manyien

⁹ Achiel kuom adekgi abiro ketogi e mach; abiro pwodhogi kaka ipwodho fedha, kendo abiro temogi kaka itemo dhahabu. Gibiro luongo nyinga kendo abiro dwokogi; abiro wacho ni, ‘Gin joga,’ to gin bende gibiro wacho ni, ‘Jehova Nyasaye en Nyasachwa.’ ”

Zekaria 13:9 ပူးပေါင်းရင်းမြစ်များ

2 Samuel 7:24

Niwalo jogi Israel mondo obed jogi nyaka chieng’, kendo in, a Ruoth Nyasaye, ema isedoko Nyasachgi.

Ayub 23:10

To kata kamano, ong’eyo gimoro amora ma atimo, kendo ka oranga, to obiro yudo ka aler.

Ayub 28:1

“Nitie buche ma ikunyoe fedha kendo nitie kuonde ma ipidhoe dhahabu.

Zaburi 144:15

Ji ma ok odak kamano gin johawi, kendo joma Nyasachgi en Ruoth Nyasaye, bende johawi.

Zaburi 43:4

Bang’e anadhi e kendoni mar misango, A Nyasaye. Anapaki gi thum, yaye Nyasaye ma Nyasacha.

Zaburi 50:15

Luongauru e kinde ma unie chandruok, mi anaresu, kendo unumiya duong’.

Zaburi 91:15

Ka giywakna, to nadwokgi, kendo ka gin e chandruok, to anabed kodgi. Anaresgi, kendo anami gibed joma oluor.

Ngeche 17:3

Dhahabu gi fedha itemo gi mach. Chuny dhano to Ruoth Nyasaye ema temoo.

Wer Mamit 2:16

Jaherana en mara, kendo an bende an mare. Okwayo e chuny ondanyo.

Isaya 43:2

Ka ukadho e pige matut, to an kodu. Adier, ka ng’ado aore, to ok giniteru, bende kata ka uwuotho e mach mang’ang’ni to ok unuwang’,

Isaya 48:10

Asepwodhou, to ok kaka ipwodho fedha e mach.

Isaya 58:9

Bang’e ka uluongo, to Ruoth Nyasaye nodwoku. Adier, ka uywakne, to nodwoku niya, ‘An ka,’ Ka uweyo sando ji, kendo uweyo achaya kod hango ji kayiem,

Jeremia 24:5

“An Ruoth Nyasaye ma Nyasach Israel akwano joma ne oter e tuech Babulon ka ng’owo mabeyogo, kendo abiro guedhogi.

Jeremia 30:22

Kamano unubed joga kendo anabed Nyasachu. An Ruoth Nyasaye ema awacho kamano.

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Jeremia 32:38

Eka ginibed joga kendo anabed Nyasachgi.

Jeremia 9:6

Gitimo timbe mahundu kinde duto, timbegi mag wuond bende osiko asika, to gitamore yie kuoma.

Ezekiel 11:20

Bang’e ginirit chikena, kendo giniluw yorena duto, ka giketo chunygi. Ginibed joga, an to anabed Nyasachgi.

Ezekiel 14:11

Kamano jo-Israel ok nochak oweya, ka dwanyore gi richogi. Ginibed joga, kendo an bende nabed Nyasachgi. An Ruoth Nyasaye ema awacho kamano.”

Ezekiel 20:38

Bende anagol kuomu joma jopiem, kendo maketho chikena. Anagolgi e pinje ma koro gidakie, to ok anayienigi giduogi e piny Israel. Eka unung’e ni kara an e Ruoth Nyasaye.

Ezekiel 36:28

Bang’e unudag e piny mane amiyo kwereu, mi unubed joga, kendo anabed Nyasachu.

Ezekiel 37:27

Anadag kodgi kanyo, mi abed Nyasachgi, kendo gibed joga.

Daniel 11:35

Jomoko kuom joma riek bende nonegi mana ni mondo joma odong’ kuom ogandagi obed joma beyo mopwodh kendo maler, nyaka kinde mar giko ma Nyasaye oseketo chopi.

Daniel 12:10

Ji mang’eny ibiro pwodhi mondo gibed joma beyo kendo maler. Joma richo to wechegi ok nodonjnigi, kendo ginisik asika ka gitimo richo. Joma riek to wechegi nodonjnigi.

Joel 2:32

Chakre kanyo ng’ato ka ng’ato moluongo nying Ruoth Nyasaye noresi. Jomoko modak e got Sayun notony kuno. Ee, jomoko notony Jerusalem, mana kaka Ruoth Nyasaye osewacho. Joma Ruoth Nyasaye oluongo nobed mangima.”

Tim jo-Lawi 26:12

Anawuoth e dieru koni gi koni, mi nabed Nyasachu, kendo unubed joga.

Zekaria 10:6

Abiro miyo jo-Juda bed marateke, kendo abiro miyo jo-Israel locho. Bende anachak aguedhgi, nikech asekechogi, mi ginichal ka gima ne ok ajwang’ogi, nikech an Ruoth Nyasachgi, kendo abiro dwoko kwayogi.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Zekaria 8:8

mi adwokgi Jerusalem mondo gidagie. Ginibed joga kendo anabed Nyasachgi, kuom adiera kod tim makare.”

Tich Joote 2:21

Chakre kanyo ng’ato ka ng’ato moluongo nying Ruoth noresi.” ’

Jo-Hibrania 8:10

To Ruoth medo wacho niya, ‘Singruok ma anatim gi dhood Israel bang’ ndalogo e ma: Anaket chikena e parogi, kendo anandikgi e chunygi. Anabed Nyasachgi, mi ginibed joga.

Jakobo 1:12

Ng’at ma nano ka iteme en jahawi, nikech koseloyo tem to noyud osimbo mar ngima ma Ruoth nosingore ni nomi jogo mohere.

1 Petro 4:12

Osiepena, ka uyudo tem mager mawang’ou ka mach, to kik ubuogi, ka gima ok ung’eyo ni gik ma kamago nyaka timrenu, nikech mano timore mana ni mondo otemugo.

Fweny 21:7

Ng’at molocho noyud gigo, kendo anabed Nyasache, to enobed wuoda.

Fweny 8:10

Eka malaika mar adek nogoyo tung’ne, mi sulue maduong maliel ka meny nolwar oa e polo. Ne olwar kuom achiel mar adek mar aore duto, kendo kuom sokni duto.

Fweny 8:11

Nying sulueno en ‘Gima kech’. Bath pi moromo achiel kuom adek nolokore makech, mi ji mang’eny otho nikech pigego nolokore makech.

Fweny 8:12

Bang’e malaika mar ang’wen nogoyo tung’ne, mi achiel kuom adek mar wang’chieng’, gi achiel kuom adek mar due kod achiel kuom adek mar odiechieng’ kod otieno, notimo mudho.

Fweny 8:7

Malaika mokwongo nogoyo tung’ne, mi pe kod mach mokikore gi remo obiro, mi opuk e piny, mi bath piny moromo achiel kuom adek nowang’ kendo achiel kuom adek mar yien bende nowang’. Lum mang’ich duto bende nowang’.

Fweny 8:8

Bang’e malaika mar ariyo nogoyo tung’ne, mi gima chalo gi got maduong’ maliel ka mach nowiti e nam, mi bath nam moromo achiel kuom adek nolokore remo,

Fweny 8:9

kendo achiel kuom adek mar gik mangima manie nam notho, bende achiel kuom adek mar yiedhi manie nam nokethore.