Zekaria 13:4 - MUMA MALER 2015

⁴ Ndalogo jokor wach duto wigi nokuodi gi fweny ma gineno, bende ok ginirwak lewni motimo yier ma jokor wach rwako, mondo giwuondgo ji,

Motingʼo Loko Manyien

⁴ “Chiengʼno jonabi duto, moro ka moro wiye nokuodi gi fweny moneno. Onge janabi ma norwak lep koro wach mondo owuond ji.

Zekaria 13:4 ပူးပေါင်းရင်းမြစ်များ

2 Ruodhi 1:8

Ne gidwoke ni, “Norwako law ma rayier, kendo notweyo okanda mar del e nungone.” Ahazia nowacho ni, “Kara en Elija ja-Tishbe.”

Isaya 20:2

E kindeno Ruoth Nyasaye nowacho ni Isaya wuod Amoz niya, “Gony pien gugru manie nungonino, kendo ilony wuocheni.” Isaya notimo kamano, mowuotho duk, gi tiende nono.

Jeremia 2:26

To kaka wi jakuo kuot ka omake, e kaka un jo-Israel wiu nokuodi, kaachiel gi ruodhiu gi jodongu gi jodolo mau kod jonabi mau.

Jeremia 6:15

Bende uparo ni wigi nokuot nikech gik makuero mane gitimogo koso? Ooyo, wigi ne ok okuot kata matin, to bende gionge gi wichkuot! Kuom mano, ginipodhi kaka jomoko osepodho, kendo ka akumogi to ginirum. An Ruoth Nyasaye ema awacho kamano.”

Jeremia 8:9

Jorieko wigi okuot. Wach ogoyogi nyang’eng’o kendo dhogi omoko. Gisedagi wechena, koro ere rieko ma gin-go?

Mathayo 3:4

Johana ne rwako law yie ngamia, kendo ne otweyo okanda mar del e nungone. Chiembe ne mana bonyo kod mor kich mae thim.

Mariko 1:6

Johana ne rwako law yie ngamia, kendo notueyo okanda mar del e nungone. Nochamo bonyo kod mor kich mae thim,

Jo-Hibrania 11:37

Moko ne ogo gi kite, to moko nong’ad sirunda, to moko bende noneg gi ligangla. Ne girwakore gi piende rombe kod piende diek, ka gidhier kendo kisandogi, bende ka gin gi chandruok malit.

Fweny 11:3

To abiro miyo jonenona ariyo teko. Ginirwakre gi gunia, kendo ginihul wach moa kuom Nyasaye kuom ndalo alufu achiel gi mia ariyo kod piero auchiel.”