Zekaria 13:3 - MUMA MALER 2015

³ Bang’ mano, ka ng’ato pod nodhi adhiya nyime gi koro wach, to wuon gi min nowachne niya, ‘Ok inichak ibed mangima kendo, nimar isewacho miriambo e nying Ruoth Nyasaye.’ Kamano wuon gi min nochwowe gi tong’, mi nege, kokoro wach.

Motingʼo Loko Manyien

³ Ka dipo ni ngʼato pod dhi nyime gi koro wach, to wuon gi min monywole nowachne ni, ‘Nyaka itho, nikech isewacho miriambo kikonyori gi nying Jehova Nyasaye.’ Ka ngʼato okoro wach, to jonywolne owuon ema nonege gi ligangla.

Zekaria 13:3 ပူးပေါင်းရင်းမြစ်များ

Jeremia 23:25

Asewinjo weche mag miriambo ma jonabigo osehulo e nyinga ka giwacho ni giseleko, mi giyudo wach moa kuoma.

Jeremia 23:34

To kapo ni janabi kata jadolo kata achiel kuom jogi omulo wechego, kawacho niya, ‘Wach mapek moa kuom Ruoth Nyasaye,’ to anakume kaachiel gi joode.

Jeremia 28:15

Bang’e Jeremia nowacho ni Hanania niya, “Koro winji, Hanania. Ruoth Nyasaye ok oori, to imiyo jogi geno mana miriambo.

Ezekiel 13:23

Kuom mano ok nuchak une fweny mag miriambo, kata koro weche ma wito ji! Abiro reso joga e tekou, mondo ung’e ni an e Ruoth Nyasaye.”

Ezekiel 14:9

“Ka gimoro owuondo janabi, mi owacho wach ma ok adier, to an Ruorh Nyasaye ema awuonde, omiyo abiro rieyo bada mondo atieke, oa kuom jo-Israel.

Ezekiel 43:7

“Wuod dhano, Hekaluni e koma mar duong’, kendo en e kama atenoe tienda. Abiro dak kaeri e kind jo-Israel nyaka chieng’. Jo-Israel, kata ruodhigi, ok nochak okel ni nyinga maler wichkuot kuom lamo nyiseche mamoko, kata kuom chungo kite ma giparogo ruodhigi motho.

Mathayo 10:37

Ka ng’ato ohero wuon kata min gi hera matut moloyo hera moherago, to ok oromo bedo ng’ata. Kata ka ng’ato ohero wuode kata nyare moloyo kaka ohera to en bende ok oromo bedo ng’ata.

Luka 14:26

“Ka ng’ato obiro ira, to ok ojwang’o wuon kod min, gi chiege gi nyithinde koda ka ngimane owuon, to ok onyal doko japuonjrena.

2 Jo-Korintho 5:16

Omiyo koro ok wanon tim ng’ato e yo ma dhano nonoe. Kata obedo ni ne wang’eyo Kristo e yorno, to koro ok wang’eye kamano.

Rapar mar Chik 18:20

To janabi ma nohedhre wacho wach moro e nyinga ma ok achike ni mondo owachi, kata ma nowuo e nying nyiseche mamoko, nyaka negi.’

Rapar mar Chik 33:9

Hera mane giherigo oloyo hera mane giherogo wuonegi gi minegi kod owetegi, kata nyithindgi, nikech ne giluwo mana chikeni, mi girito singruok mari maber.