Zekaria 12:7 - MUMA MALER 2015

⁷ An Ruoth Nyasaye nakuong miyo dhoudi duto mag Juda locho, mondo duong’ mar dhood Daudi kod jo-Jerusalem kik lo duong’ ma jo-Juda mamoko nigo.

Motingʼo Loko Manyien

⁷ “Jehova Nyasaye biro reso miech Juda mokwongo, eka duongʼ ma jo-dhood Daudi kod ma joma odak Jerusalem nigo kik lo dhout Juda mamoko.

Zekaria 12:7 ပူးပေါင်းရင်းမြစ်များ

Ayub 19:5

Uparo ni uber moloya, kendo uparo ni thagruokna nyiso ni an jaketho.

Zaburi 35:26

Mad lo joma goyona siboi ka an e chandruok, mi ng’eng nono. Onego wichkuot maduong’ mak jogo ma paro ni beyo moloya.

Zaburi 38:16

Kik iwe wasika gona siboi kuom chandruok ma an goni, bende kik iwe gichamna nyadhi ka achwanyora mi apodho.

Zaburi 55:12

Ka da bed ni jasigu ema jara, to da adhil adhila. Kata ka da bed ni ng’at mapiem koda ema sungorena to da apondone.

Isaya 23:9

Ruoth Nyasaye manyalo Gik Moko Duto ema osechano kelo masirano mondo otiek sunga mar joma ogen, kendo okel achaya kuom ji duto moluor ahinya e piny.

Jeremia 30:18

Ruoth Nyasaye wacho niya, “Abiro dwoko nyikwa Jakobo e pinygi, mi aguedh ng’ato ka ng’ato e ode. Dala ka dala nochak oger mana kama ne entie, kendo ot ka ot ji nodagie mana kaka nodakie chon.

Amos 9:11

“Chieng’no anachung’ e dhood Daudi mosebet ka ot molokore gunda. Analos kuonde momukore mondo oduog maber. Abiro gere kendo, mi alose machal gi kaka nochal chon.

Zekaria 11:11

Kamano singruok ne okethi chieng’no, kendo joohand rombe mane ranga nong’eyo ni en wach Ruoth Nyasaye.

Zekaria 4:6

Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’

Luka 10:21

E sa nogo, Roho Maler nomiyo Yesu odoko mamor ahinya, mi owacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyisogi mana ji ajia. Adier Wuora, osetimore kamano, nikech mano e kaka ne long’oni.

Jo-Rumi 3:27

Koro ere gima odong’ ma ng’ato nyalo sungorego? Onge gimoro, nikech sunga osegol oko chuth. To ere gima omiyo ogole? Ogole nikech warito Chik koso? Ooyo, ogole mana nikech wayie.

Jakobo 2:5

Owetena mahero, winjuru gima awacho. Donge Nyasaye noyiero joma piny kwano ka jochan mondo obed jomwandu korka yie, kendo obed joma yudo gueth mar Loch Nyasaye, mane osingore ni nomi joma ohero?

Jakobo 4:6

To ng’wono ma Nyasaye ochiwo ni dhano duong’ moloyo nyiego. En mana kaka Muma owacho niya, “Nyasaye miyo joma muol ng’wono, to odagi josunga.”