Zekaria 12:6 - MUMA MALER 2015

⁶ “E kindeno anami dhout Juda bed ka mach manie bungu kata manie puoth tiang’. Ginitiek ogendini duto mokiewo kodgi koni gi koni. Jo-Jerusalem to nodag gi kue e dalagi.

Motingʼo Loko Manyien

⁶ “Odiechiengno anami jotend Juda chal gi agulu manie mach mangʼangʼni, kendo ka pilni mach manie kind cham mochiek. Gibiro tieko ji duto modak e alworagi koni gi koni, to Jerusalem to biro dongʼ kare kaka en, ka ji odakie.

Zekaria 12:6 ပူးပေါင်းရင်းမြစ်များ

Isaya 54:3

nimar ibiro nya kuonde duto, kendo nyikwayi noma ogendini pinjegi, mi gidag e mier ma koro owe gundni.

Isaya 9:20

Ng’at achiel biro mecho konchiel, to pod nodeny adenya, kendo ng’at machielo biro mwonyo gik moko komachielo, to ok noyieng’ ngang’. Moro ka moro biro chamo ringre nyithinde, bende onge ma nowe owadgi mak ochamo.

Jeremia 30:18

Ruoth Nyasaye wacho niya, “Abiro dwoko nyikwa Jakobo e pinygi, mi aguedh ng’ato ka ng’ato e ode. Dala ka dala nochak oger mana kama ne entie, kendo ot ka ot ji nodagie mana kaka nodakie chon.

Obadia 1:18

Joka Jakobo gi joka Josef nochal mach, mi ginitiek joka Esau manaa kaka mach wang’o tiang’ mi tieki. Onge nyakwar Esau moro ma nodong’ kangima. An Ruoth Nyasaye ema asewacho kamano.”

Mika 4:13

Mano emomiyo Ruoth Nyasaye wacho niya, “Un jo-Jerusalem, chakuru kumo wasiku! Abiro miyo ubedo maratego ka rwath ma tunge tek ka nyinyo, kendo ma tiende chalo chuma. Ubiro nyono ogendini mang’eny, kendo unuwalna mwandugi kod gik ma giseyako, obed maga, an Ruoth Nyasaye ma ruodh piny ngima.”

Zekaria 1:16

Emomiyo an Ruoth Nyasaye awacho kama: Aseduogo Jerusalem gi ng’wono mondo akeche. Omiyo kanyo ema ibiro chako igeroe oda, kaachiel gi udi mamoko duto.’ ”

Zekaria 11:1

A Lebanon, yaw dhorangeyeni, mondo mach owang’ yiendi mabeyo mag sida!

Zekaria 12:5

mi dhout Juda nowach kendgi niya, ‘Joma odak Jerusalem yudo teko kuom Ruoth Nyasaye Manyalo Gik Moko Duto ma Nyasachgi.’

Zekaria 2:12

Eka unung’e ni kara Ruoth Nyasaye Manyalo Gik Moko Duto ema ne oora iru. Ruoth Nyasaye biro chako kawo piny Juda kendo ka mare owuon e piny maler mi ochak otim Jerusalem dala moyiero.

Zekaria 2:4

“Ring idhi iwachne wuowi man gi rapimno ni Jerusalem biro bedo dala maonge gi ohinga, nikech ji mabiro dakie kaachiel gi jamni nobed mang’eny mohinge.

Zekaria 9:15

Ruoth Nyasaye Manyalo Gik Moko Duto ema nobed okumbagi mi ginilo lweny ka ginyono kite mag orujre piny. Ginigo koko ka joma omer, mi ginineg ji, mi rembgi chuer mana ka remb misango miolo gi tawo e tunge mag kendo-mar-misango.

2 Jo-Korintho 6:7

gi lando wach adiera, kendo gi teko mar Nyasaye. Wamako tim makare ka gilweny mwamonjogo wasigu, kendo mwaritorego.

Fweny 20:9

Ne gikwako piny te, mi gilworo kambi mar jo-Nyasaye kod dala ma Nyasaye ohero. To mach ne oa e polo motiekogi,