Zekaria 12:4 - MUMA MALER 2015

⁴ “An Ruoth Nyasaye awacho niya, chieng’no anago farese duto gi kihondko, mi ami joma idhogi lokre joneko. Anarit jo-Juda, to farese mag ogendini mamokogo analok muofni,

Motingʼo Loko Manyien

⁴ Odiechiengno anago faras ka faras gi kihondko, to joriemb faras nolokre joneko,” Jehova Nyasaye wacho. “Abiro miyo dhood Juda rit makende, to farese mag ogendini mamoko analok muofni.

Zekaria 12:4 ပူးပေါင်းရင်းမြစ်များ

1 Ruodhi 8:29

Odiechieng’ gotieno mondo irang ot misewacho ni nyingi nobedieni, kendo iwinj lemo ma anakwa ka eri.

2 Ruodhi 6:14

Omiyo nooro farese gi geche kod oganda lweny maduong’. Ne gichopo kuno gotieno, mi gilworo dalano.

2 Ruodhi 6:18

Kane jo-Aram obiro monjo Elisha, nokwayo Ruoth Nyasaye niya, “Lok jogi muofni.” Mi Ruoth Nyasaye nolokogi muofni mana kaka Elisha nokwaye.

2 Weche mag Ndalo 6:20

Odiechieng’ gotieno mondo irang ot misewacho ni nyingi nobedie, kendo iwinj lemo ma abiro bedo ka akwayogo kaeri.

2 Weche mag Ndalo 6:40

“A Nyasacha, yie mondo iwinj lemo mikwayigo ka.

2 Weche mag Ndalo 7:15

Ka gilemo e Hekaluni, anaranggi gi wang’a kendo nawinjgi gi ita.

Nehemia 1:6

Yie ichik iti kendo inen, mondo iwinj kwayona ma aketo e nyimi odiechieng’ gotieno, kakwayo ni jo-Israel. Ahulo richo ma wan jo-Israel wasetimo e nyimi. Ee, an kaachiel gi dhoodwa wasetimo richo.

Isaya 24:21

Chieng’no Ruoth Nyasaye nong’ad bura, mi malaika mae polo, nokum e polo, kendo ruodhi mae piny, nokum e piny.

Isaya 37:17

A Ruoth Nyasaye, chik iti mondo iwinji, kendo iyaw wang’i mondo inen. Winj weche ma Senakerib yanyigo, in Nyasaye Mangima!

Jeremia 24:6

Abiro ritogi maber, kendo anaduoggi e pinyni. Abiro gerogi, kendo ok namukgi. Abiro pidhogi, kendo ok napudhgi.

Ezekiel 38:4

Abiro mbedo dhogi gi mbedo, mi awichi, kendo aywayi oko kaachiel gi jogi duto mag lweny. Ogandani mar lweny, kod farese gi joidh farese morwakore gi lep lweny, ng’eny ahinya. Jalweny ka jalweny omanore gi kuode kod liganglane.

Ezekiel 39:20

E mesana to unuchamie farese gi joidhgi kod thuondi gi jolweny mamoko duto nyaka uyieng’. An Ruoth Nyasaye ema awacho kamano.”

Daniel 9:18

A Nyasaye, winjwa, kendo ng’i kuma wantie, mondo ineye thagruok ma wan go kod masira momako dala miluongo gi nyingi. Walami nikech ing’won ahinya, to ok nikech timbewa ni kare.

Zekaria 10:5

Ginibed ka jolweny marateke ma nyono wasikgi ka chuodho, kendo ginikedi nikech an Ruoth Nyasaye an kodgi, bende ginilo kata mana joidh farese, mi gikuod wigi.

Zekaria 12:11

“E kindeno ywak nobed malich Jerusalem mana ka ywak mane oywaggo Hadad-rimon e paw Megido.

Zekaria 12:3

Chieng’no ka ogendini duto mag piny ochokore mondo omonj Jerusalem, to naloke obed mapek ka kidi, ma onge ng’ama nyalo ting’o, kendo ogendini duto motemo ting’e, nohinyre marach.

Zekaria 12:5

mi dhout Juda nowach kendgi niya, ‘Joma odak Jerusalem yudo teko kuom Ruoth Nyasaye Manyalo Gik Moko Duto ma Nyasachgi.’

Zekaria 12:6

“E kindeno anami dhout Juda bed ka mach manie bungu kata manie puoth tiang’. Ginitiek ogendini duto mokiewo kodgi koni gi koni. Jo-Jerusalem to nodag gi kue e dalagi.

Zekaria 14:15

Bende tho machalo gi mano mane ogoyo jogo nogo farese gi nyumbu gi ngamia kod kenje manie kambi mag wasigu, mi neg pep.

Zekaria 9:8

“Anachung’ e pinya ka jarito, mondo ng’ato kik donji kata wuogi, mi wasigu ok nochak olo joga nimar aseneno thagruokgi gi wang’a.”

Tich Joote 17:30

Nyasaye ne ok odewo richo mane ji osebedo ka timo e ndalo mane ok ging’eyo dwarone. To koro osegolo chik ni ji duto kuonde duto, mondo olokre owe richogi,

Rapar mar Chik 28:28

Obiro goyou gi tuo mar neko, kendo lokou muofni gi joma orundore.