Zekaria 11:7 - MUMA MALER 2015

⁷ Kuom mano ne adoko jakwadh rombe miyang’o, ka atiyo ni joohand rombe. Bang’e ne akawo ludhe ariyo, mi achako achiel ni, ‘Ng’wono’, to machielo ne achako ni, ‘Riwruok’. Kamano ne abedo jakwadh rombe.

Motingʼo Loko Manyien

⁷ Omiyo, ne adoko jakwadh rombe mane oiki ne yengʼo, to moloyo, rombe mago mane isando. Eka nakawo ludhe ariyo, ma achiel kuomgi nachako ni Ngʼwono, to machielo nachako ni Riwruok, kendo nadoko jakwadh rombego.

Zekaria 11:7 ပူးပေါင်းရင်းမြစ်များ

Zaburi 23:4

A Nyasacha, kata obedo ni akadho e hoho mar tipo mar tho, to ok analuor gimoro, nikech in koda. Ludhi gi odungani ema hoya.

Zaburi 27:4

Asekwayo Ruoth Nyasaye gimoro achiel kende, kendo mano ema adwaro moloyo; adwaro dak e ode kuom ngimana duto, mondo ane ber mare kendo alame e Hekalu mare.

Zaburi 90:17

A Ruoth Nyasachwa, guethni mondo obed kodwa, kendo ikonywa e gik moko duto ma watimo, mondo wadhi maber e tijewa duto.

Isaya 11:4

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Isaya 40:11

Ochalo jakwath ma sembo jambe, koting’o nyirombe e bade, kendo oriwogi e kore, kotelo ni mago man gi nyithindo, kotero modho.

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Jeremia 39:10

Joma odhier ahinya maonge gimoro ema noweyo e piny Juda, mi omiyo puothe mag mzabibu gi mag cham.

Tim jo-Lawi 27:32

Bende chiayo mar apar ka chiayo mar apar mokalo e bwo ludh jakwath kokwanogi, nobed mowal ni Ruoth Nyasaye, bed ni gin dhok kata rombe.

Mika 7:14

A Ruoth Nyasaye, rit jogi miseyiero, kaka jakwath kawo luth, kendo kwayogo jambe. Gidak mana kendgi e thim, ka piny momew olworogi koni gi koni. To we mondo gikwa e lege mag Bashan gi mag Gilead, kaka ne gitimo chon.

Zefania 3:12

To joma nawe nobed joma odhier kendo mathagore.

Zekaria 11:14

Bang’ mano ne aturo luth machielo miluongo ni Riwruok, ka anyisogo ni aketho riwruok manie kind jo-Juda gi jo-Israel.

Zekaria 11:4

Ruoth Nyasaye ma Nyasacha nowachona niya, “Bed jakwadh rombe ma ibiro yang’o,

Mathayo 11:5

Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Mariko 12:37

Ka Daudi owuon noluongo Mesia ni ‘Ruoth’, to koro ere kaka Mesia dibed nyakwar Daudi?” Oganda maduong’ mane ni kanyo nowinjo weche Yesu gi mor.

Johana 10:16

To bende an gi rombe moko ma ok ni e duondni. Gin bende nyaka akelgi, kendo giniwinj duonda, eka rombe duto nobed kueth achiel man gi jakwath achiel.

Jakobo 2:5

Owetena mahero, winjuru gima awacho. Donge Nyasaye noyiero joma piny kwano ka jochan mondo obed jomwandu korka yie, kendo obed joma yudo gueth mar Loch Nyasaye, mane osingore ni nomi joma ohero?

1 Samuel 17:40

mi okawo ludhe, kendo noyiero kite mapoth abich e aora, moketo e kirope mar kwath. Eka nomako arujre, mosudo machiegni gi ja-Filistiano.

1 Samuel 17:43

Nopenjo Daudi niya, “Iparo ni an guok koso, mibirona mana gi kede?” Mi nokuong’o Daudi e nying nyisechene.