Zekaria 11:6 - MUMA MALER 2015

⁶ Ruoth Nyasaye nomedo wacho niya, “Ok anakech joma odak e pinyni, to abiro keto ng’ato ka ng’ato e lwet jatende kendo e lwet ruodhe, mi jotelogo noketh piny, to ok anares ji e lwetgi.”

Motingʼo Loko Manyien

⁶ Jehova Nyasaye wacho niya, “Nikech koro ok abi kecho joma odak e piny, abiro chiwo ngʼato ka ngʼato e lwet ngʼat ma gidakgo machiegni kaachiel gi ruodhe. Gibiro sando piny, kendo ok anaresgi e lwetgi.”

Zekaria 11:6 ပူးပေါင်းရင်းမြစ်များ

Zaburi 50:22

Un joma ok dewa, winjuru wachna, nono to abiro kidhou matindotindo, kendo onge ng’ama nokonyu.

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Isaya 3:5

Ji nosandre kendgi giwegi, ka ng’ato ka ng’ato dhaw mana gi wadgi, to nyithindo bende yanyo joma dongo, kendo ji ajia chayo joma ogen.

Jeremia 13:14

Bang’e anarwadgi duto, wuone gi nyithindo machalre. Ok nakechgi kendo ok nawegi, bende ok nang’wonnigi ngang’, to naneggi duto.”

Ywagruok 2:21

Joma dongo gi joma tindo duto nindo piny e wang’ yore. Nyiga gi yawuota lweny gi kech osenego. Isenegogi ka in gi mirima. Adier, isetiekogi ka ok ikechogi ngang’.

Ywagruok 5:8

Wasumbni ema tinde tiyowa, kendo onge ng’ama nyalo resowa e lwetgi.

Ezekiel 8:18

Abiro kumogi gi mirimba mager, ka ok ang’wononigi, kata ka ok akechogi. Kata da bed ni gilama matek manade, to ok anadewgi.”

Ezekiel 9:10

Omiyo koro ok anawe ng’ato kata achiel, bende ok anakechgi.”

Hosea 1:6

Gomer nochako omako ich, monywolo nyako. Ruoth Nyasaye nowacho ni Hosea niya, “Chake ni Lo-ruhama, tiende ni, ma ok oher, nikech ok nachak aher jo-Israel, kata mana ng’wononigi ok nang’wonnigi,

Hosea 2:10

Bang’e anagonye duk mana ka chodene neno, kendo onge ng’ama norese e lweta.

Mika 5:8

Ee, jo-Israel motony nobed e kind ogendini mana ka sibuor ma dwaro le e bungu, kata madwaro rombe e lek. Ka odonjo kuom rombe to opodho kuomgi kendo okidhogi matindo tindo ma onge ng’ama resogi.

Mika 6:14

Kuom mano, unuchiem to ok unuyieng’, kendo kech pod nokau akaya. Ka ugolo gik moko e uteu mondo upandi, to ok unyal. To kapo ni ureso gimoro, to abiro miyo okethre e lweny!

Hagai 2:22

Analok loch ruodhi, mi aketh teko mag pinje mamoko, kendo anago geche mag lweny piny, kaachiel gi joithgi. Ng’ato ka ng’ato noked gi wadgi, mi farese kod joma idhogi nonegi.

Zekaria 11:14

Bang’ mano ne aturo luth machielo miluongo ni Riwruok, ka anyisogo ni aketho riwruok manie kind jo-Juda gi jo-Israel.

Zekaria 11:5

nikech jokwadhgi giwegi ok dewgi. Joma ng’iewogi bende negogi, to ok yud kum. Giloko ringgi pesa, kendo giwacho niya, ‘Opak Ruoth, nikech waseyudo mwandu!’ ”

Zekaria 11:9

Bang’e ne awacho ni rombe niya, “Ok abi medo bedo jakwadhu kendo. Mago kuomu matho, to otho athoya, kendo mago madwaro lal, olal alala, to mago modong’, moro ka moro oneg wadgi.”

Zekaria 14:13

Chieng’no Ruoth Nyasaye nogogi gi kihondko malich, kendo ng’ato ka ng’ato nomak wadgi mondo ogorego.

Zekaria 8:10

To kane pok kindeno ochopo, ji kata jamni ne ok ti tich michulo, kendo kane ng’ato owuok dhi e tije, to ok ong’ere kata ka doduogi, nikech wasigu ne ng’eny. Bende ne athuwo ng’ato ka ng’ato gi wadgi.

Malaki 4:6

mondo ochak okel winjruok e kind wuone gi nyithindo, nono to abiro, mi aketho pinyu chuth!”

Mathayo 10:21

“Ng’ato nondhog owadgi mondo onegi, kendo wuone nondhog nyithindgi. Nyithindo bende nolokre gi jonywolgi mi chiwgi mondo oneggi.

Mathayo 22:7

Mirima nohewo ruodhno, omiyo nooro askechene, mi odhi otieko jonekgo, kendo owang’o dalagi.

Mathayo 24:10

Ji mathoth nowe Nyasaye, mi ndhogre kendgi, kendo bed mamonre.

Johana 19:15

To ne gikok ni, “Nege! Nege! Gure e msalaba!” Pilato nopenjogi niya, “Udwaro ni mondo agur ruodhu koso?” To jodolo madongo nodwoke ni, “Waonge gi ruoth, mak mana Kaisar.”

1 Jo-Thesalonika 2:16

To bende gitemo koda ka sindowa mondo kik waland ni joma ok jo-Yahudi wach makelonigi warruok. Kamano gipong’o rapor mar richogi, omiyo mirimb Nyasaye koro osejukogi!

Jo-Hibrania 2:3

Wan to dwatony nade, ka wajwang’o warruok maduong’ makama? Ruoth Yesu owuon ema nokwongo nyiso ji wach warruokno, eka joma nowinjo wachno nonyisowa ni en adier.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.