Zekaria 11:16 - MUMA MALER 2015

¹⁶ kaka ranyisi ni abiro keto jakwath e piny ma ok rang rombe matho, kata ok many molal, kata ok thiedh matuo, bende ma ok kwa mago mangima, to chamo mana mago machue, kendo mwodo koda ka orengegi.

Motingʼo Loko Manyien

¹⁶ Nimar abiro kelo jakwath moro machielo e piny ma ok bi dewo rombe molal, kata manyo rombe matindo, kata thiedho mago matuo, kata pidho mago ma dendgi ber, to kar timo kamano, to obiro chamo mago machwe kochamo nyaka orenge mag-gi.

Zekaria 11:16 ပူးပေါင်းရင်းမြစ်များ

Chakruok 31:38

Asedak kodi koro kuom higni piero ariyo, to rombi kata dieki pok obuogo, bende pok achamo imi kata achiel.

Chakruok 33:13

To Jakobo nodwoke ni, “Jaduong’, ing’eyo ni nyithindogi pod tindo, to bende nyaka apar jamni madhodho. Kapo ni osemb gi matek kata mana kuom ndalo achiel, to giduto ginyalo tho.

Isaya 40:11

Ochalo jakwath ma sembo jambe, koting’o nyirombe e bade, kendo oriwogi e kore, kotelo ni mago man gi nyithindo, kotero modho.

Jeremia 23:2

An Ruoth Nyasaye ma Nyasach Israel awuoyo kuom jotelo mane onego rit joga niya, ‘Usekeyo joga, mi uriembo, bende ok useritogi maber. Koro abiro kumou nikech gik maricho ma usetimo.

Jeremia 23:22

Ka dine ging’e parona mopondo, to dine gilando wachna ni joga mondo owe yoregi gi timbegi maricho.

Ezekiel 34:10

an Ruoth Nyasaye awacho ni kaka an Nyasaye mangima, amon kodu. Abiro golo rombena oko kuomu, mi ok nachak awe kendo ubed jokwadhgi kendo, kuritoru mana kendu uwegi! Bende abiro resogi e lwetu, mi ok nawe uchamgi.

Ezekiel 34:16

“Anamany rombe molal, mi achok mago moke, bende anachom mago motur, kendo anathiedh mago matuo, mi arit mago mangima kendo machue, nimar an e jakwath marito rombe e yo makare.

Ezekiel 34:21

Ugoyo joweteu matuo gi mba, kendo utuomogi gi pat wiu, mi umiyo gipogore gia e kueth, kendo gike.

Daniel 11:36

“Ruodh Siria notim gima en ema ohero, kendo enosungre ni oloyo nyasaye moro amora, bende enopakre ni oduong’ moloyo kata mana Nyasaye maduong’ moloyo nyiseche moko. Enodhi nyime kotimo kamano nyaka chop Nyasaye kume, nikech Nyasaye nyaka tim gima osechano.

Johana 10:1

Yesu nodhi nyime kowacho niya, “Adier, adier, awachonu ni, ng’at ma ok oluwo dhorangach ka donjo e duond rombe, to donjo mana gi kamoro nono, en jakuo kendo jamecho.