Zekaria 11:1 - MUMA MALER 2015

¹ A Lebanon, yaw dhorangeyeni, mondo mach owang’ yiendi mabeyo mag sida!

Motingʼo Loko Manyien

¹ Yaye Lebanon, yaw dhorangeyeni, mondo mach owangʼ yiendeni mag sida!

Zekaria 11:1 ပူးပေါင်းရင်းမြစ်များ

Jeremia 22:23

Un joma odak Lebanon, moloso kuonde dakgi e yiend sida, unuywag manade ka rem malit ka rem mar muoch ochopo kuomu!”

Ezekiel 31:3

Ichalo gi yadh sida man Lebanon, man gi bede mabeyo motimo tipo. Adier, en yath marabora motundo e polo.

Habakuk 2:17

Timbe mahundu, mane utimo ni Lebanon, kendo nek mane unegogo le man kuno nodog e wiu, kendo nomi udhier nono, nikech usechuero remo e piny kendo e mier, bende usetimo timbe mahundu ni joma odakie duto.

Habakuk 2:8

Kaka ne uyako ogendini mang’eny, e kaka ogendini duto bende noyaku, nikech remo mane uchuero kod timbe mahundu mane utimo e piny kendo e mier, kusandogo joma odakie.

Hagai 1:8

Dhiyouru e gode mondo ukel yien ugergo Hekalu ma amorgo, kendo kama duong’na maler nyalo nenoree.

Zekaria 10:10

Anagolgi Misri gi Asuria, kakelogi dala, bende anakelgi e piny Gilead gi piny Lebanon, nyaka chop piny pong’ thich.

Zekaria 11:2

Ywaguru un yien duto, nimar yiend sida osepodho. Adier, yien madongo osekethi. Un yiend Bashan, ywaguru, nimar bungu ma yien odichie osebeti.

Zekaria 12:6

“E kindeno anami dhout Juda bed ka mach manie bungu kata manie puoth tiang’. Ginitiek ogendini duto mokiewo kodgi koni gi koni. Jo-Jerusalem to nodag gi kue e dalagi.

Rapar mar Chik 32:22

Mirimba osemoko mach! Mawang’o piny kaachiel gi gik manyakie, kendo owang’o mise mag gode, bende ochopo kata kar joma otho e liel piny.