Zekaria 10:3 - MUMA MALER 2015

³ Ruoth Nyasaye wacho niya, “Mirima omaka gi jotend joga, omiyo abiro kumogi. To an Ruoth Nyasaye abiro konyo jo-Juda, ma akwano ka jamba, mi ami gibed marateke ka farese mag lweny.

Motingʼo Loko Manyien

³ “Mirimba lich kuom jokwath, kendo abiro kumo jotelo; nikech Jehova Nyasaye Maratego biro rito kwethne, ma gin jo-Juda, kendo enomi gichal faras mar lweny ma giro.

Zekaria 10:3 ပူးပေါင်းရင်းမြစ်များ

Ayub 39:25

Ochur sa duto ma owinjoe ywak tung’, kendo owinjo tik lweny kata ka pok ochopo machiegni. Jolweny bende owinjo kagolo chik.

Wuok 4:31

mi ne giyie ni kara Ruoth Nyasaye oseoro Musa adier. Bende kane giwinjo ni Ruoth Nyasaye oselimo jo-Israel, moneno chandruokgi, ne gikulore, mi gilame.

Ngeche 21:31

Inyalo gawo farese mondo obed moikore ni lweny, to Ruoth Nyasaye ema miyo ilocho.

Wer Mamit 1:9

Jaherana, ilombo chwo ka faras madhako malombo farese machwo ma ywayo geche Farao.

Isaya 10:12

Ka Ruoth Nyasaye osetieko kumo jo-Jerusalem kaka nochano to enokum ruodh Asuria kuom timbene mag sunga kod ng’ayi,

Isaya 24:21

Chieng’no Ruoth Nyasaye nong’ad bura, mi malaika mae polo, nokum e polo, kendo ruodhi mae piny, nokum e piny.

Jeremia 10:21

Jeremia nodwokogi niya, “Jotelo mau onge gi rieko, nikech ok gipenj wach kuom Ruoth Nyasaye. Mano emomiyo ok gisetimo gimoro maber, kendo jowa oseke kuonde duto.

Jeremia 11:22

Kuom mano Ruoth Nyasaye Manyalo Gik Moko Duto nowuoyo kuomgi niya, “Abiro kumogi. Yawuotgi biro tho e lweny. Nyithindgi bende kech biro nego.

Jeremia 25:12

To bang’ mano, anakum ruodh Babulon kaachiel gi joge kuom richogi. Anaketh pinygi, mi osik kokethore nyaka chieng’. An Ruoth Nyasaye ema awacho kamano.

Jeremia 25:34

“Ywaguru un jotelo! Ywaguru matek! Ywaguru kendo bukreuru gi buru, nikech kinde minegoue osechopo, kendo ibiro negou ka imbe machwe.

Jeremia 50:6

“Joga chalo gi rombe molal ma jokwadhgi owito e gode. Gisebayo ka rombe maa got moro kadhi e got machielo, kendo wigi osewil gi kuma dalagi nitie.

Ezekiel 34:11

“An Ruoth Nyasaye awachonu ni abiro manyo rombena an awuon mi aritgi,

Ezekiel 34:12

mana kaka jakwath rito rombene mane olal moke, to ochako onwang’o. Abiro duogogi kagologi kuonde duto mane gikee, chieng’ masira mane piny otimo mudho.

Ezekiel 34:2

“Wuod dhano, kwed jotend Israel, ma akwano ka jokwadh joga. Kornigi wach, kinyisogi ni an Ruoth Nyasaye awacho kama: Unune malit, un jokwath mag Israel! Uritoru mana un uwegi, to rombe to ok udew.

Daniel 11:32

Ruoth nong’ad rieko mondo oywago joma oseweyo singruokgi malerno, to kata kamano, joma ong’eyo Nyasachgi nobed motegno kendo nolochi.

Zefania 1:8

Owacho niya, “Ka chieng’ ma atimoe misango ochopo, to anakum joka ruoth kod jotendgi madongo, kaachiel gi joma luwo timbe jopinje mamoko.

Zefania 2:7

Jo-Juda modong’ ema nobed weg piny man e dhonam. Ginikwa jambgi e dhonam kuno, kendo giniyue e ut jo-Askelon gotieno, nimar an Ruoth Nyasaye ma Nyasachgi, abiro konyogi, mi adwoknigi gueth mane gin-go chon.

Zekaria 11:17

Masira ochomo jakwath manono ma jwang’o rombeno! Ligangla biro lwar e bade kendo e wang’e ma korachwich, mi bade tal, kendo wang’e ma korachwich nokethre chuth.”

Luka 1:68

“Wapakuru Ruoth ma Nyasach Israel, nikech ne obiro konyo joge, mi owarogi.

1 Petro 2:12

Timu onego obed maber ahinya e nyim joma ok oyie, mondo kata obedo ni gihangou ni un joma richo, to gine timbeu mabeyo, mi gipak Nyasaye chieng’ ma obiroe ng’ado bura.

Ruth 1:6

Kane Naomi pod ni e piny Moab, nowinjo kaka Ruoth Nyasaye oseparo joge, momiyo chiemo. Omiyo nochako wuoth gi mond yawuote mondo oa kuno, odog thurgi.