Zekaria 10:2 - MUMA MALER 2015

² Nyiseche manono wacho weche maonge tiendgi, kende ajuoke neno ranyisi mag miriambo. Gileko lek ma ok adiera, kendo giwacho weche mawito ji. Mano emomiyo ji bayo abaya ka rombe, kendo githagore nikech gionge jakwath.

Motingʼo Loko Manyien

² Nyiseche ma dhano oloso wuondo ji, jokor wach neno fweny mag miriambo; ka ginyiso ji lek ma ok adier, kendo gichiwo hoch manono. Mano emomiyo ji bayo abaya ka rombe maonge jakwath.

Zekaria 10:2 ပူးပေါင်းရင်းမြစ်များ

Chakruok 31:19

E kindeno, noyudo ka Laban odhi ng’ado yie rombe, kendo kane pod en kuro, Rahel nokwalo nyisechene,

1 Ruodhi 22:17

Mikaya nowacho niya, “Naneno jo-Isarel duto koke e gode, ka rombe maonge jakwath; kendo nawinjo ka Ruoth Nyasaye wacho niya, ‘Jogi onge gi wuon-gi, we mondo gidog e miechgi gi kue.’ ”

Ayub 13:4

Un to, uumo adiera gi miriambo, omiyo uchalo jothieth ma ok nyal thiedho tuo.

Ayub 21:34

Omiyo weche mutemo hoyago gin weche manono, kendo gik moko duto musewacho gin mana miriambo!”

Isaya 41:29

Neyeuru kaka gin gik manono. Gimoro amora ma gitimo onge tich. Nyisechego gin mana yamo makudho!

Isaya 44:25

Ang’eyo jonabi mag miriambo kaachiel gi ranyisigi, bende akuodo wi ajuoke. Adwoko weche joma riek chien, kamiyo riekogi lokore gima nono.

Isaya 44:9

Joma loso nyiseche manono gin joma nono oloyo, kendo gik ma giherogo ok kony gimoro. Joma lamogi olokore muofni, kendo ok ging’eyo gimoro, omiyo wigi nokuodi.

Isaya 46:5

Uparo ni achal gi ng’a? Koso en ng’a marom koda?

Jeremia 10:8

Giduto gifuwo kendo gionge rieko, nikech giyudo riekogi manono mana kuom yien mopa!

Jeremia 14:13

An to ne adwoke ni, “A Ruoth Nyasaye, donge ing’eyo ni jonabi wacho ni ji niya, ‘Kech kata lweny biro bedo maonge, nimar nisingori ni kue kende ema nobed e pinywa’?”

Jeremia 14:22

Bende nyiseche manono mag ogendini nyalo kelo koth adier? Koso polo giwegi nigi teko mar miyo koth chue? Ooyo, in ema waketo chunywa kuomi, A Ruoth Nyasaye ma Nyasachwa, nikech in kende ema inyalo timo gik ma kamago.”

Jeremia 23:17

Gisiko ka giwacho ni ji motamore winjo wachna niya, ‘Gik moko duto biro dhinu maber.’ Bende giwacho ni joma wigi tek ni masira ok nomakgi.

Jeremia 23:32

Winjuru gima awacho, an Ruoth Nyasaye! Amon gi jonabi mahulo lek mag miriambo, nimar giwito joga kod sungagi gi lekgigo. Ne ok aorogi, bende ne ok achikogi mondo gidhi gitim kamano, omiyo onge gima gikonyogo jogagi. An Ruoth Nyasaye ema awacho.”

Jeremia 27:10

to giwuondou, kendo gibiro miyo teru mabor gi pinyu. Anariembu oko, mi urum pep.

Jeremia 27:14

Kik udew weche jonabi ma kwerou ni kik uti ni ruodh Babulon, nimar giwuondou.

Jeremia 27:9

Kik uchik itu kuom jonabi kata kuom ng’ato ang’ata mawacho ni nyalo koro gik ma biro timore e yor lek kata e yor luongo chuny joma osetho, kata e yor mbofwa. Jogo duto koronu wach ni ok unubed e bwo loch ruodh Babulon,

Jeremia 28:15

Bang’e Jeremia nowacho ni Hanania niya, “Koro winji, Hanania. Ruoth Nyasaye ok oori, to imiyo jogi geno mana miriambo.

Jeremia 29:8

An Ruoth Nyasaye ma Nyasach Israel asiemou ni kik jonabi modak kodu kata jokor wach wuondu. Kik uchik itu ni lekgi,

Jeremia 37:19

Tinde ere jonabi magi mane onyis ni ruodh Babulon ok bi monjo pinyni?

Jeremia 50:17

“Jo-Israel chalo gi rombe ma sibuoche lawo kendo keyo. Mokwongo ruodh Asuria ema nomonjogi, mochamogi ka sibuor machamo le. Eka bang’e ruoth Nebukadnezar nobiro momuodo chokegi.

Jeremia 51:23

kuom chadho ruodhi gi jodonggi.”

Jeremia 6:14

Gichalo jothieth mathiedho jotuo marachrach, mana ka gima ok gituo, nimar giwacho ni gik moko beyo, to chutho, gik moko ok beyo.

Jeremia 8:11

nimar giwacho ni gik moko dhi nyime maber to chutho gik moko ok dhi nyime maber. Kuom mano gichalo gi jothieth mathiedho jotuo marachrach, mana ka gima ok gituo.

Ywagruok 2:14

Fweny mane jonabini oneno, mi onyisi, ne ok adier, to ne gin mana miriambo lilo. Ok ne ginyisi timbeni mamono, mondo ichak idhi maber kendo, to fweny ma gisenyisi gin mana weche manono ma wito ji.

Ezekiel 21:21

nimar adier ruodh Babulon ochung’ e tiend ranyisi manie akek yorego, koyiengo asere, kendo openjo nyisechene wach, bende orango chuny chiayo motimgo misango, mondo ong’ego yo monego oluw.

Ezekiel 21:29

Bende nyisgi ni fweny ma gineno gin miriambo, kendo weche ma gikoro bende ok gin adier. Gin joricho ma timbegi mono, omiyo ndalo ma ibiro kumogie mogik chiegni. Ligangla biro lwar e ng’utgi.

Ezekiel 34:5

Koro kaka rombe onge gi jokwath, giseke mi ondiegi osenegogi kendo ochamogi.

Ezekiel 34:8

Ondiegi osemonjo romba, monego, kendo ochamo, nikech gionge jakwath. Jokwadha ok tem mondo omany rombe to giritore mana gin giwegi. Rombe to ok gidew.

Hosea 3:4

Mano nyiso ni jo-Israel biro bet maonge ruodhi kata jotelo kendo maonge misengni kata sirni milamo, bende maonge kido mag nyiseche, kata gik mikorogo wach.

Mika 2:12

“To un jo-Israel modong’ abiro chokou kanyakla mana ka rombe manie abila, kata ka kweth manie lek. Koko nogore e pinyu nikech ng’eny mar ji.

Habakuk 2:18

Ere ohala muyudo kuom lamo nyiseche manono ma lwet dhano ema oloso? Gin mana kido mamiyo ji lal. Ere ohala ma ng’at molosogi yudo kuomgi? Chutho oloso mana nyiseche manono ma ok nyal wuoyo!

Zekaria 11:17

Masira ochomo jakwath manono ma jwang’o rombeno! Ligangla biro lwar e bade kendo e wang’e ma korachwich, mi bade tal, kendo wang’e ma korachwich nokethre chuth.”

Kwan 27:17

mondo otel nigi e gik moko duto ma gitimo, kendo oritgi ka giwuok kendo ka giduogo dala, mondo oganda Ruoth Nyasaye kik bed ka rombe maonge jakwath.”

Mathayo 9:36

Kane oneno ji kaka ng’eny, nokechogi, nikech ne gichandore, kendo gidiwo mana ka rombe ma onge jakwath.

Mariko 6:34

Kane Yesu ochopo, mi owuok e yie, noneno oganda maduong’no, mi okechogi, nimar ne gichalo rombe ma onge jakwath. Kuom mano, nopuonjogi weche mang’eny.

Rapar mar Chik 13:2

mi ranyisi kata hono mowuoyeno otimore, kendo bang’e owachonu ni mondo udhi uluw nyiseche mamoko ma ok ung’eyo, kendo ulam,

Jong’ad Bura 18:14

Eka ji abich mane osedhi nono piny mokiewo gi Laish kande nowacho ni jowetegi mamoko niya, “Bende ung’eyo ni nitie kido mopa mag nyiseche manono e udigi? Koro paruru ane gima onego watim!”