Zekaria 1:8 - MUMA MALER 2015

⁸ Nende aneno fweny gotieno ni ng’ato oidho faras masilwal, kochung’ e kind yien e holo moro. To kadieng’eye ne nitie farese ma silwende gi marabuore kod marachere.

Motingʼo Loko Manyien

⁸ Naneno fweny gotieno ka ngʼat moro moidho faras ma silwal opore e nyima. Ne ochungʼ e dier yiend kuth ochwoga, e holo moro. Yo ka diengʼeye ne nitie farese masilwende, marobuore kod marochere.

Zekaria 1:8 ပူးပေါင်းရင်းမြစ်များ

Chakruok 20:3

To Nyasaye nofwenyore ni Abimelek e lek gotieno, mowachone niya, “Ibiro tho, nikech dhako misekawono en chi ng’ato.”

Chakruok 46:2

Nyasaye nofwenyorene gotieno, ka luonge niya, “Jakobo, Jakobo.” Nodwoke ni, “An ka.”

1 Ruodhi 3:5

Kane Solomon odhi dalano, Ruoth Nyasaye nofwenyorene e lek gotieno, mowachone ni, “Kwa gima idwaro mondo amiyi.”

Nehemia 8:15

kendo ni mondo giland wach e miechgi duto kendo e Jerusalem ni ji odhi kuonde moting’ore odwar bede zeituni mopidhi kod mago ma ok opidhi gi mag othidhe kod mag yien moko motimo oboke, mondo olosgo kiche kaka chik dwaro.

Ayub 4:13

Ne ochalo gi lek ma mono ng’ato nindo.

Wer Mamit 2:16

Jaherana en mara, kendo an bende an mare. Okwayo e chuny ondanyo.

Wer Mamit 6:2

“Jaherana osedhi e puothe, kama gik mang’ue ng’ar dongoe, mondo okwa kanyo kendo opon ondanyo.

Isaya 41:19

Abiro pidho yien mopogore opogore kuonde motwo,

Isaya 55:13

Kuonde ma koro pedo gi kudho nitie, yien mabeyo ema biro dongoe. Mano nomi Ruoth Nyasaye bedo gi huma ma ok nyal lal, kendo nobed rapar mosiko nyaka chieng’.”

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Daniel 2:19

Eka otienono, tiend midhierono noelore ni Daniel e fweny, mi nopako Nyasach Polo kowacho niya,

Daniel 7:13

Kane aleko gotienono ne aneno gima chalo dhano kabiro ei boche polo, mi oter ir ng’at ma nyaka nene.

Daniel 7:2

kendo gima ne aneno gotieno chalo kama: Yamo ne kudho moa koni gi koni kendo nam noloko marach.

Zekaria 1:10

Eka ng’at mane ochung’ e kind yienno nowacho niya, “Mago e joma Ruoth Nyasaye oseoro mondo owuothi e piny ngima koni gi koni.”

Zekaria 1:11

Bang’e jogo nodwoko malaika mane ochung’ e kind yien niya, “Wasewuotho e piny ngima koni gi koni, mi wanwang’o ni okue kendo oboch.”

Zekaria 1:7

Due piero ariyo gang’wen, due mar apar gachiel miluongo ni Shebat, e higa mar ariyo mar loch Darius, wach Ruoth Nyasaye nobiro ni Zekaria janabi, wuod Berekia ma wuod Iddo mi nowacho kama:

Zekaria 13:7

Ruoth Nyasaye Manyalo Gik Moko Duto owacho niya, “In ligangla, a malo mondo ichadh jakwadha! Ee, chadh ng’at matiyona. Chutho, neg jakwath mondo rombe oke, nimar abiro kumo joga moyomno.”

Kwan 12:6

kendo kane gibiro e nyime, nowachonigi niya, “Winjuru wechena: Ka de ni Musa en mana janabiu, to dafwenyorane, kendo dawuoyo kode e lek.

Joshua 5:13

Kane Joshua ochopo machiegni gi Jeriko, noneno ng’at mochung’ e nyime, koting’o ligangla, Joshua nodhi ire, mopenje niya, “In jakorwa, koso jasikiwa?”

Fweny 2:1

“Ndik ni malaika mar kanyakla mar jo-Kristo man Efeso kama: “ ‘Weche mag Jal man gi sulue abiriyo e lwete ma korachwich, kendo ma wuotho e kind teyni abiriyo mag dhahabu e magi:

Fweny 6:2

Eka ne ang’icho mi aneno faras marachar. Ng’at moidhe noting’o atung’, kendo ne osidhne osimbo, mi nowuok kaka jalocho madhi mondo olochi.

Fweny 6:4

Eka faras machielo ma silwal nowuok. To ng’at moidhe nomi teko mar kelo lweny e piny, mondo ji onegre, kendo ne omiye ligangla maduong’!