Zekaria 1:21 - MUMA MALER 2015

²¹ mi apenjo gima gibiro timo. Ne odwoka niya, “Gisebiro mondo gibwog kendo gilo tunge ang’wen-go. Tungego gin ruodhi mane okeyo jo-Juda, ma onge kata ng’at achiel mane nyalo ting’o wiye.”

Motingʼo Loko Manyien

²¹ Napenjo niya, “Jogi obiro timo angʼo ka?” Nodwoko niya, “Magi e tunge mane okeyo jo-Juda mondo kik ngʼato angʼata kuomgi tingʼ wiye; to jothethgi osebiro mondo obwog-gi kendo gilo ogendini mane oikore kedo gi piny Juda.”

Zekaria 1:21 ပူးပေါင်းရင်းမြစ်များ

Zaburi 75:10

Enotiek teko joricho, to teko mar joma kare nomedre ameda.

Zaburi 83:2

Neye kaka wasiki goyo koko ka piem kodi, kendo kaka joma mon kodi ng’anyoni!

Ywagruok 2:17

To Ruoth Nyasaye osetimo gima nochano chon. Adier, osetimo gima nosiemo ji ni obiro timo. Oseketho gik moko ka ok odewo, kendo omiyo wasigu ogoyoni siboi komedo tekogi.

Daniel 12:7

Ng’at mane orwako law maberno noting’o bedene malo kochomo polo, mi osingore e nying Nyasaye mochwere, kowacho niya, “Odong’ kinde moromo higni adek gi nus, kendo ka sand misandogo jo-Nyasaye oserumo, to noyud ka gigi duto osetimore.”

Zekaria 1:19

Eka ne apenjo malaika mane wuoyo koda ni, “Magi to ang’o?” Ne odwoka ni “Gin ruodhi mosekeyo jo-Juda gi jo-Israel kod jo-Jerusalem.”