Zekaria 1:18 - MUMA MALER 2015

¹⁸ Ne ating’o wang’a mi aneno tunge ang’wen.

Motingʼo Loko Manyien

¹⁸ Eka natingʼo wangʼa, mi napo kaneno tunge angʼwen!

Zekaria 1:18 ပူးပေါင်းရင်းမြစ်များ

1 Ruodhi 22:11

Zedekia wuod Kenaana nosethedho tunge mag nyinyo morwako, mi nowacho niya, “Ruoth Nyasaye owacho kama: ‘Ibiro chwowo jo-Aram gi tungegi, nyaka itiekgi.’ ”

2 Ruodhi 15:29

E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

Zekaria 1:17

To bende malaikano nowachona ni mondo anyis ji ni, Ruoth Nyasaye wacho kama: “Miecha duto biro pong’ gi gik moko mabeyo, mi anachak aho Sayun, kendo anatim Jerusalem dala ma ayiero.”

Zekaria 1:19

Eka ne apenjo malaika mane wuoyo koda ni, “Magi to ang’o?” Ne odwoka ni “Gin ruodhi mosekeyo jo-Juda gi jo-Israel kod jo-Jerusalem.”

Zekaria 2:1

Ne ating’o wang’a mi aneno ng’ato koting’o tond pimo e lwete.

Zekaria 5:1

Ne ating’o wang’a, mi aneno kalatas moban kahuyo e kor yamo.

Zekaria 5:5

Malaika mane wuoyo koda cha ne oduogo ira mowachona niya, “Ting’ wang’i mondo ineye gima birono kaka chalo.”

Zekaria 5:9

Bang’ mano ne aneno mon ariyo mahuyo e kor yamo, ka biro irwa gi buombe machalo buombe ogungo. Ne gikawo atonga, mi gidhigo e kor polo malo.

Zekaria 6:1

Ne achako ating’o wang’a, mi aneno geche lweny ang’wen ka wuok e kind gode ariyo. To godego ne mag mula.

Joshua 5:13

Kane Joshua ochopo machiegni gi Jeriko, noneno ng’at mochung’ e nyime, koting’o ligangla, Joshua nodhi ire, mopenje niya, “In jakorwa, koso jasikiwa?”