Zekaria 1:17 - MUMA MALER 2015

¹⁷ To bende malaikano nowachona ni mondo anyis ji ni, Ruoth Nyasaye wacho kama: “Miecha duto biro pong’ gi gik moko mabeyo, mi anachak aho Sayun, kendo anatim Jerusalem dala ma ayiero.”

Motingʼo Loko Manyien

¹⁷ “Med lendo kiwacho kama: Ma e gima Jehova Nyasaye Maratego wacho: ‘Miecha duto biro pongʼ gi mwandu, kendo Jehova Nyasaye biro hoyo Sayun kendo obiro chako oyiero Jerusalem!’ ”

Zekaria 1:17 ပူးပေါင်းရင်းမြစ်များ

2 Weche mag Ndalo 6:6

kendo ne ok ayiero ng’at moro obed jatend joga Israel, mak mana Daudi.’

Nehemia 11:20

Giduto ne giromo ji mia achiel gi piero abiriyo gariyo. Jo-Israel mamoko duto nodak e miech Juda, ka ng’ato ka ng’ato odak e dalane owuon.

Nehemia 11:3

Kamano jodong pinyno nodak Jerusalem, to jo-Israel mamoko gi jodolo gi jo-Lawi gi jotich Hekalu kod nyikwa jotich Solomon nodak e miech Juda, ka ng’ato ka ng’ato odak e dalane owuon.

Zaburi 69:35

Enores Sayun, kendo nochak oger miech Juda. Joge nodag kuno, kendo nobed weg piny.

Isaya 14:1

Ruoth Nyasaye biro kecho jo-Israel ma nyikwa Jakobo, mi ochak oyiergi, kendo oketgi e pinygi giwegi. Jopinje mamoko nobi mondo odag kodgi, mi gilokre jo-Israell.

Isaya 44:26

To weche ma jotichna okoro, amiyo timore, kendo achopo gik ma jootena ochano. Awuoyo kuom Jerusalem ni, ji nochak odag kuno kendo, mi achak alos kuonde mokethore duto kuomgi.

Isaya 49:13

Un polo gi piny, koguru gi mor! Weruru wende locho, un gode, nimar Ruoth Nyasaye osekueyo chuny joge machandore, kendo obiro kechogi.

Isaya 51:12

An awuon ema ahoyou. Kuom mano, ere gima omiyo uluoro dhano adhana matho, kendo maonge ndhathe ka lumni?

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Isaya 52:9

Un kuonde mokethore mag Jerusalem, koguru gi mor, nikech unuyud ka Ruoth Nyasaye osekecho joge, kendo owaro Jerusalem.

Isaya 54:8

Kane mirima ohinga, ne apandoni wang’a kuom ndalo matin, to koro asekechi gi ng’wono mochwere. An Ruoth Nyasaye ma Jawarni ema awacho kamano.

Isaya 66:13

Kaka min nyathi hoyo nyathine, e kaka an bende abiro hoyou, mi uyud kue e Jerusalem.

Jeremia 31:13

Bang’e nyiri nomiel kendo nobed mamor, kendo yawuowi gi joma dongo bende nobed mail. Anakue chunygi kendo nalok lit ma gin go obed mor, kendo kuyo ma gin go obed ilo.

Jeremia 33:13

Jokwath nochak okwan jambgi e mier manie piny gode gi manie tiend gode kod manie piny milambo gi manie piny Benjamin kod manie mier matindo molworo Jerusalem kendo e miech Juda. An Ruoth Nyasaye ema awacho kamano.”

Jeremia 33:9

Jerusalem nobed kama miya mor, kendo makelona pak gi duong’, mi ogendini duto mae piny nobed maluor kendo makirni ka giwinjo gik moko duto mabeyo ma atimo ni jo-Jerusalem, kod dongruok maber ma akelo ni dalani.”

Ezekiel 36:33

“An Ruoth Nyasaye awacho niya, ‘Ka apwodhou kuom richou duto, to anami uchak udag e miechu, mi uger kuonde mane omukore.

Amos 9:14

Abiro chako amiyo joga Israel dag e ngima maber. Gibiro gero miechgi mane olokore gundni, mi gidagie, kendo gibiro pidho yiend mzabibu, mi gimadh divai. Gibiro puro puothegi, mi gicham gik manyakie.

Obadia 1:20

Jo-Israel mamalo mane odar, mi oter e tuech, ma koro ni Sefarad, biro kawo mich piny man yo milambo.

Zekaria 1:14

Kuom mano, malaikano nowachona niya, “Dhiyo inyis ji ni weche Ruoth Nyasaye Manyalo Gik Moko Duto e magi: ‘Hera maduong’ ma aherogo Jerusalem gi Sayun miya mirima.

Zekaria 1:18

Ne ating’o wang’a mi aneno tunge ang’wen.

Zekaria 2:12

Eka unung’e ni kara Ruoth Nyasaye Manyalo Gik Moko Duto ema ne oora iru. Ruoth Nyasaye biro chako kawo piny Juda kendo ka mare owuon e piny maler mi ochak otim Jerusalem dala moyiero.

Zekaria 2:4

“Ring idhi iwachne wuowi man gi rapimno ni Jerusalem biro bedo dala maonge gi ohinga, nikech ji mabiro dakie kaachiel gi jamni nobed mang’eny mohinge.

Zekaria 3:2

Eka malaika mar Ruoth Nyasaye nowacho ni Satan niya, “Yaye Satan, Ruoth Nyasaye mondo okweri! Adier, Ruoth Nyasaye moseyiero Jerusalem obed mare owuon, mondo okweri! Ng’atni donge chalo gi yien moyudhi kaliel e mach?”

Jo-Efeso 1:4

Kuom herane, noyierowa kuom Kristo kapok ochue piny, mondo wabed maler kendo maonge mbala e nyime.