Zekaria 1:16 - MUMA MALER 2015

¹⁶ Emomiyo an Ruoth Nyasaye awacho kama: Aseduogo Jerusalem gi ng’wono mondo akeche. Omiyo kanyo ema ibiro chako igeroe oda, kaachiel gi udi mamoko duto.’ ”

Motingʼo Loko Manyien

¹⁶ “Kuom mano, Jehova Nyasaye wacho ni, ‘Abiro duogo Jerusalem mi akeche, mi oda nochak oger kanyo; kendo tol mipimogo ibiro rie e alwora mar Jerusalem,’ Jehova Nyasaye Maratego ema owacho.

Zekaria 1:16 ပူးပေါင်းရင်းမြစ်များ

Ayub 38:5

En ng’a mane opimo bor piny gi lachne? Donge ing’eyo gik ma kamago?

Isaya 12:1

Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

Isaya 34:11

Nobed kama otenga gi chiew gi tula kod agak ema odakie. Ruoth Nyasaye nopim pinyno, mi oyud ni oromo gi ketho, omiyo enodong’ nono.

Jeremia 30:18

Ruoth Nyasaye wacho niya, “Abiro dwoko nyikwa Jakobo e pinygi, mi aguedh ng’ato ka ng’ato e ode. Dala ka dala nochak oger mana kama ne entie, kendo ot ka ot ji nodagie mana kaka nodakie chon.

Ezekiel 40:3

Ruoth Nyasaye ne otera machiegni gi udigo, mi apo kaneno ng’at moro marieny ka mula. Ne ochung’ e dhorangach, koting’o tol mipimogo gik moko, kod rapim mar bao e lwete.

Ezekiel 47:3

Ng’atno nochomo yo wuokchieng’, koting’o tol mipimogo. Nowuotho e bath aora nyaka koma oromo mita mia abich. Eka nomiyo ayoro aorano kanyo, manwang’o ni pi ochopo mana e ombong’na.

Ezekiel 48:35

Kamano bor ohingano duto nobed mita alufu ochiko. To nying dalano mosiko nobed, ‘Ruoth Nyasaye ni ka.’

Hagai 1:14

Bang’ mano Ruoth Nyasaye nojiwo chuny Zerubabel wuod Shealtiel ma jatend piny Juda, gi chuny Joshua wuod Jehozadak, jadolo maduong’, kod chuny ji mamoko mane oa e tuech,

Zekaria 10:6

Abiro miyo jo-Juda bed marateke, kendo abiro miyo jo-Israel locho. Bende anachak aguedhgi, nikech asekechogi, mi ginichal ka gima ne ok ajwang’ogi, nikech an Ruoth Nyasachgi, kendo abiro dwoko kwayogi.

Zekaria 2:4

“Ring idhi iwachne wuowi man gi rapimno ni Jerusalem biro bedo dala maonge gi ohinga, nikech ji mabiro dakie kaachiel gi jamni nobed mang’eny mohinge.

Zekaria 2:5

Ruoth Nyasaye owacho ni obiro bedone ohinga mar mach molwore, kendo obiro bedone duong’ maler e diere.”

Zekaria 2:6

Ruoth Nyasaye wacho niya, “Ne akeyou e tunge ang’wen mag piny, to koro auru, uring ua e piny ma yo nyandwat.

Zekaria 4:9

“Kaka Zerubabel ema oseketo mise mar Hekalu, e kaka en bende ema obiro tieke. Kamano unung’e ni Ruoth Nyasaye Manyalo Gik Moko Duto ema ne oora iru.

Zekaria 8:3

Koro an Ruoth Nyasaye awacho ni aseduogo Sayun kendo abiro dak Jerusalem. Jerusalem ibiro luongo ni, ‘Dala ma Adiera Nitie’, kendo god Ruoth Nyasaye Manyalo Gik Moko Duto noluong ni, ‘Got Maler’.