Zekaria 1:15 - MUMA MALER 2015

¹⁵ Akecho ahinya gi ogendini ma neno maber, nikech kane pok mirima omaka ahinya gi joga to ne gisandogi moloyo kaka owinjore.

Motingʼo Loko Manyien

¹⁵ to bende akecho ahinya gi ogendini modak kodhialore. Mokwongo ne akecho mana matin, to koro gisemiyo chandruok omedo doko malit moloyo.’

Zekaria 1:15 ပူးပေါင်းရင်းမြစ်များ

Ayub 30:13

Gigeng’ona yo, ka gidwaro tieka chuth, to onge ng’ama tamogi.

Zaburi 123:4

Ka jomwandu ma josunga jarowa kuom kinde malach!

Zaburi 137:7

A Ruoth Nyasaye, parie gima ne jo-Edom otimo, chieng’ mane okaw Jerusalem! Adier, ne gisiko giwacho niya, “Mukeuru mondo oruombre piny!”

Zaburi 69:26

nimar gisando ng’ama isekumo, kendo gigoyo siboi ni joma isehinyo!

Isaya 54:8

Kane mirima ohinga, ne apandoni wang’a kuom ndalo matin, to koro asekechi gi ng’wono mochwere. An Ruoth Nyasaye ma Jawarni ema awacho kamano.

Jeremia 30:16

Ji duto matiekou bende notieki, kendo wasiku noter mabor e tuech. Ji duto mathirou bende nothir, kendo joma yakou bende noyaki.

Jeremia 50:33

Ruoth Nyasaye Manyalo Gik Moko Duto wacho niya, “Jo-Israel gi jo-Juda ithiro. Ji duto mane omakogi kwayogi malich, kendo ok nyal weyonigi thuolo mondo gia.

Jeremia 51:24

Ruoth Nyasaye wacho niya, “Ubiro neno ka achulo kuor ni Babulon gi joge kuom richo duto mane gitimo Sayun.

Ezekiel 26:2

mowachona niya, “Wuod dhano, joma odak e dala mar Turo goyo mahu gi mor, kawacho kama: ‘Jerusalem ne en dala ma ogendini duto chokoree kuom ohala, to koro osekethe. Dhorangaye oseyaworenwa, omiyo wabiro bedo momew, nikech oseloye, modong’ gunda.’

Amos 6:1

“Mano biro bedo wach marach manade kuom joma odak maber Sayun, kendo kuom joma ogeno ni gode mag Samaria nyalo resogi. Un joma dongo mag oganda maduong’ moloyo, ma joma jo-Israel dhi irgi mondo oyud konyruok,

Habakuk 3:12

Iwuotho e piny gi gero, kendo inyono ogendini piny gi mirima.

Zekaria 1:11

Bang’e jogo nodwoko malaika mane ochung’ e kind yien niya, “Wasewuotho e piny ngima koni gi koni, mi wanwang’o ni okue kendo oboch.”

Zekaria 1:2

“Ruoth Nyasaye nokecho ahinya gi kwereu.

Zekaria 14:12

Ruoth Nyasaye nogo ogendini duto mane okedo gi Jerusalem gi tho marach. Thono nochal kama: Ringregi notow mana ka gichung’ gi tiendgi, kendo wengegi notow mana e wigi, to lewgi bende notow mana e dhogi.

Zekaria 6:8

Eka ne oluonga monyisa niya, “Winji! Mago madhi yo nyandwatgo osemiyo chunya olendo gi piny ma nyandwatno.”