Zefania 3:19 - MUMA MALER 2015

¹⁹ Winjuru! Ka kindeno ochopo, to anakum joma thirou. Anakony rang’onde, kendo anachok joma oke, mi alok wichkuot mane joga nigo obed pak gi huma e piny ngima.

Motingʼo Loko Manyien

¹⁹ E kindeno anakum jogo mane osandi, anakony rongʼonde kendo anachok joga mane oke e pinje. Abiro miyogi pak gi huma e piny ka piny mane okuodie wigi.

Zefania 3:19 ပူးပေါင်းရင်းမြစ်များ

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 33:1

Yaye unune malit un jo-Asuria! Useketho gik moko, to un pok okethu. Bende usendhogo ji, to un pok ondhogu. To koro ka usetieko ketho gik moko, to un ema ibiro kethu, kendo ka utieko ndhogo ji, to un ema ibiro ndhogu.

Isaya 60:14

Yawuot joma ne sandi biro miyi duong’. Adier, joma ne chari biro kulore e tiendi. Giniluongi ni ‘Dala Ruoth Nyasaye’, kendo ni ‘Sayun Dala mar Ng’ama Ler mar Israel’.

Isaya 60:18

Timbe mahundu ok nochak owinji kendo e pinyi, kata mana tulo moro marach ok nochak omuoch machiegni kodi. To iniluong ohinga mari ni, ‘Resruok.’ Dhorangeyeni to iniluong ni, ‘Pak.’

Isaya 61:7

Kar bedo gi wichkuot, to unuyud pok nyadiriyo, kendo kar yudo achaya, to unubed mamor gi poku. Kamano unuyud pok nyadiriyo e pinyu, mi ubed gi mor mochwere,

Isaya 62:7

Kata en bende kik uwe oyue, nyaka chop ami Jerusalem bed dala marahuma ma ji duto pako.”

Jeremia 30:16

Ji duto matiekou bende notieki, kendo wasiku noter mabor e tuech. Ji duto mathirou bende nothir, kendo joma yakou bende noyaki.

Jeremia 30:19

Ji modak kuondego nower wende pak, kendo ginikogi gi ilo. Anami ginya mathoth, ma ok gidok chien, kendo anami giyud pak, ma onge ng’ama chayogi.

Jeremia 31:8

Abiro kelogi kagologi yo nyandwat, kendo abiro chokogi kagologi e tung’ piny koni gi koni, kaachiel gi muofni gi rang’onde mi mon mayach kendo ma muoch kayo, mi giniduogi, ka gin oganda maduong’.

Jeremia 33:9

Jerusalem nobed kama miya mor, kendo makelona pak gi duong’, mi ogendini duto mae piny nobed maluor kendo makirni ka giwinjo gik moko duto mabeyo ma atimo ni jo-Jerusalem, kod dongruok maber ma akelo ni dalani.”

Jeremia 46:28

Kik uluor, nikech an kodu. Abiro tieko ogendini duto kuonde duto ma asekeyoue, to un ok natieku. To kata kamano, abiro kumou moromo gi timbeu. An Ruoth Nyasaye ema awacho kamano.”

Ezekiel 16:27

“Koro aserieyo bada mondo akumi, kendo amayi gueth mane aguedhigo. Asechiwi e lwet jo-Filistia ma mon kodi, kendo mojok gi timbeni mag dwanyruok.

Ezekiel 16:57

e kinde mane timbeni mamono pok oel e lela? Koro ichalo mana kode, kendo joma mon kodi duto mokiewo kodi, kaka jo-Edom kod jo-Filistia, nyieri.

Ezekiel 34:16

“Anamany rombe molal, mi achok mago moke, bende anachom mago motur, kendo anathiedh mago matuo, mi arit mago mangima kendo machue, nimar an e jakwath marito rombe e yo makare.

Ezekiel 39:13

Ng’ato ka ng’ato modak e pinyno noyikgi, kendo mano nomi giyud duong’, chieng’ ma alocho. An Ruoth Nyasaye awacho kamano.

Ezekiel 39:26

Ka gichako gidak gi kue e pinygi giwegi, ka onge ng’ama bwogogi, to ok ginipar wichkuot mane giyudo kuom ndhok mane gindhogago.

Mika 7:10

Bang’e wasika mane penja ni, ‘Ere Nyasachi nogono?’ None gima osetimore, mi wigi nokuodi. Eka ananegi ka oselogi, kendo onyon-gi piny ka chuodho ma e wang’ yo.

Zefania 3:15

nimar Ruoth Nyasaye oseriembo wasiku, motero kuma bor. Ruoth Nyasaye ma Ruodh Israel nie kindu, omiyo ok unuchak uluor masira.

Zekaria 8:23

Ruoth Nyasaye Manyalo Gik Moko Duto wacho niya, “E kindego ji apar moa e ogendini mamoko, mawacho dhok mopogore opogore, nobi ir ja-Yahudi, mi mak riak lawe, ka wachone niya, ‘Wadwaro dhi kodi, nimar wasewinjo ni Nyasaye ni kodi.’ ”

Rapar mar Chik 26:19

Obiro ting’ou malo moloyo ogendini mamoko duto mane ochueyo, mondo nyinge oyud duong’ gi pak kod huma. Kamano unubed oganda mowal ni Ruoth Nyasaye ma Nyasachu mana kaka nosingore.”

Jo-Hibrania 12:13

Losuru yore muluwo ochikre tir, eka tiendeu malit ok nowil, to nochangi.

Fweny 20:9

Ne gikwako piny te, mi gilworo kambi mar jo-Nyasaye kod dala ma Nyasaye ohero. To mach ne oa e polo motiekogi,

Jong’ad Bura 1:7

Eka Adoni-bezek nowacho niya, “Ruodhi piero abiriyo mong’ad lith luetegi mathuondi kod lith tiendegi mathuondi yande kwanyo mana ng’injo mag chiemo e bwo mesana. To koro Nyasaye osetimona mana kaka natimonigi.” Bang’e nokel Adoni-bezek Jerusalem, motho kuno.