Zefania 3:15 - MUMA MALER 2015

¹⁵ nimar Ruoth Nyasaye oseriembo wasiku, motero kuma bor. Ruoth Nyasaye ma Ruodh Israel nie kindu, omiyo ok unuchak uluor masira.

Motingʼo Loko Manyien

¹⁵ Jehova Nyasaye osegolo kuomi kum mosekumigo bende oseriembo wasika. Jehova Nyasaye, ma en Ruodh jo-Israel ni kodi ok inichak iluor gimoro amora manyalo hinyi.

Zefania 3:15 ပူးပေါင်းရင်းမြစ်များ

Chakruok 30:23

Nomako ich, monywolo nyathi ma wuowi. Eka nowacho niya, “Nyasaye osegolona wichkuot ma nyocha an go.” Omiyo nochako wuodeno ni Josef, (tiende ni golo kata medo). Nowacho niya,

Zaburi 149:2

A Israel, bed mamor nikech jachuechni. Ee, beduru gi ilo, un jo-Sayun, nikech Ruodhu.

Zaburi 19:9

Luoro Ruoth Nyasaye en gima ber mosiko nyaka chieng’. Buche Ruoth Nyasaye ni kare, ma onge moro mobam.

Zaburi 85:3

Ne iweyo kecho kodgi, mi chunyi olendo kuom mirima mager mane in go.

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Isaya 25:8

Enotiek tho nyaka chieng’. Bang’e enoywe pi wang’ ng’ato ka ng’ato, kendo nogol achaye man kuom joge e piny duto. Ruoth Nyasaye ema owacho kamano.

Isaya 33:22

nimar Ruoth Nyasaye en jang’adnwa bura. En e ruodhwa, ma ketonwa chik, kendo en ema noreswa.

Isaya 35:10

Adier, joma Ruoth Nyasaye osereso noluw yorno, ka duogo dala. Ginidonj Sayun ka gikok gi mor kendo ka giil, to kuyo gi parruok nolal nono.

Isaya 51:22

Ruoth Nyasaye ma Nyasachi kendo ma Ruodhi, ma chwako joge e bura, owacho kama: “Ng’e ni agolo kikombe mamero ji e lweti, mi ok nichak imethi e kikombe mar mirimbano, nikech aweyo kumi.

Isaya 52:9

Un kuonde mokethore mag Jerusalem, koguru gi mor, nikech unuyud ka Ruoth Nyasaye osekecho joge, kendo owaro Jerusalem.

Isaya 54:14

Enogeri e mise mar tim makare, kendo inibed mabor gi kuonde mithiroe ji, omiyo ok nibed maluor, bende nibed mabor gi masiche, mi ok ginisud machiegni kodi.

Isaya 60:18

Timbe mahundu ok nochak owinji kendo e pinyi, kata mana tulo moro marach ok nochak omuoch machiegni kodi. To iniluong ohinga mari ni, ‘Resruok.’ Dhorangeyeni to iniluong ni, ‘Pak.’

Isaya 65:19

Abiro bedo mamor gi Jerusalem, kendo abiro bedo moil nikech joga. “Ywak kod ywagruok ok nochak owinji e Jerusalem,

Jeremia 8:19

Ling’uru ane, awinjo ka joga ywak kuonde duto ma gintie, ka gipenjo niya, ‘Ruoth Nyasaye oseweyo Sayun koso? Ruodh Sayun onge kuno adier?’ To Ruoth Nyasaye ma ruodhgi dwoko niya, ‘Ere gima omiyo usemiya mirima kuom lamo nyiseche mag pinje mamoko?’ ”

Ezekiel 35:10

“Ne uwacho ni ogendini ariyo ma Juda gi Israel, kaachiel gi pinjegi gin mau, kendo ni ubiro kawogi, kata obedo ni an Ruoth Nyasaye e Nyasachgi.

Ezekiel 36:15

Ok anayie mondo ogendini onyier godego, kata mondo ji ojargi. Bende ok ginichak gima jo-Israel nyithindgi. An Ruoth Nyasaye ema awacho kamano.

Ezekiel 39:29

Anapong’ jo-Israel gi Roho mara, mi ok nachak awegi kendo. An Ruoth Nyasaye ema awacho kamano.”

Ezekiel 48:35

Kamano bor ohingano duto nobed mita alufu ochiko. To nying dalano mosiko nobed, ‘Ruoth Nyasaye ni ka.’

Joel 3:17

“Bang’e un jo-Israel unung’e ni an, Ruoth Nyasaye ma Nyasachu, adak Sayun, goda maler, kendo jopinje mamoko ok nonyone kendo.

Amos 9:15

Abiro pidhogi e lopgi mane amiyogi kendo ok nochak opudhgi.”

Mika 7:10

Bang’e wasika mane penja ni, ‘Ere Nyasachi nogono?’ None gima osetimore, mi wigi nokuodi. Eka ananegi ka oselogi, kendo onyon-gi piny ka chuodho ma e wang’ yo.

Habakuk 2:17

Timbe mahundu, mane utimo ni Lebanon, kendo nek mane unegogo le man kuno nodog e wiu, kendo nomi udhier nono, nikech usechuero remo e piny kendo e mier, bende usetimo timbe mahundu ni joma odakie duto.

Habakuk 2:8

Kaka ne uyako ogendini mang’eny, e kaka ogendini duto bende noyaku, nikech remo mane uchuero kod timbe mahundu mane utimo e piny kendo e mier, kusandogo joma odakie.

Zefania 3:17

Ruoth Nyasaye ma Nyasachu nie kindu, mondo oritu maber mana ka jalweny. Obiro bedo mamor nikech un, mi ochak onyisu herane, kower gi mor nikech un, mana kaka ne otimo chon.

Zefania 3:5

To Ruoth Nyasaye man Jerusalem timo mana gik makare. Ok otim gimoro marach to ong’ado bura gi adiera okinyi kokinyi mak olewo ngang’. Jaricho to wiye ok kuodi.

Zekaria 12:3

Chieng’no ka ogendini duto mag piny ochokore mondo omonj Jerusalem, to naloke obed mapek ka kidi, ma onge ng’ama nyalo ting’o, kendo ogendini duto motemo ting’e, nohinyre marach.

Zekaria 14:11

Ji nodag Jerusalem gi kue, ka onge ng’ama bwogogi ni ibiro kuong’ dalagi mondo okethi.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Johana 1:49

Nathaniel nodwoke ni, “Japuonj, in e Wuod Nyasaye! In e Ruodh Israel!”

Johana 12:15

“Un jo-Sayun, kik ubed maluor. Neuru! Ruodhu biro iru, koidho nyathi kanyna.”

Johana 19:19

Pilato nondiko wach modonjnego, moguro ewi msalaba. Nondiko niya, “YESU JA-NAZARETH, RUODH JO-YAHUDI.”

Johana 5:30

“An ok anyal timo gimoro gi tekona awuon. Ang’ado bura mana kaka Nyasaye onyisa, kendo bura mang’ado en bura makare, nikech ok adwar timo gima an ema adwaro, to atimo mana gima Jal mane oora dwaro.

Fweny 12:10

Eka ne awinjo dwol maduong moa e polo, kawacho niya, “Koro Nyasachwa oselocho. En kinde mar tekone gi lochne kaachiel gi mar Mesia mare, ma bende oyudo lochne. Oselo jadonj ni owetewa, madonjonigi e nyim Nyasaye odiechieng’ gotieno, mi owite e piny.

Fweny 18:20

“To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!

Fweny 19:16

En gi nying moro mondiki e lawe kendo eme ni, “Ruodh ruodhi, kendo Jaduong’ jodongo.”

Fweny 7:15

Mano emomiyo gin e nyim kom duong’ mar Nyasaye, ka gilame odiechieng’ gotieno e Hekalune, kendo Jal mobet e kom duong’ biro dak kodgi.