Zefania 2:3 - MUMA MALER 2015

³ Dwaruru Ruoth Nyasaye un jogo duto modak e piny, kobolore kendo korito chikene. Bende dwaruru tim makare, bende beduru gi chuny mamuol nimar dipo ka uyudo kar konyruok, chieng’ mirimb Ruoth Nyasaye.

Motingʼo Loko Manyien

³ Dwaruru Jehova Nyasaye, un ji duto mobolore manie piny, kendo un ji duto matimo gik ma chik dwaro. Dwaruru tim makare, kendo beduru gi chuny mobolore, nimar dipo ka uyudo kar konyruok, odiechiengno ma Jehova Nyasaye biro olo mirimbe kuom ji.

Zefania 2:3 ပူးပေါင်းရင်းမြစ်များ

2 Samuel 12:22

Nodwokogi niya, “Kane nyathi pod ngima, natueyo chiemo kaywak, nikech naparo niya, ‘Ng’ama ong’eyo kata ka Ruoth Nyasaye biro ng’wonona mondo nyathi obed mangima?’

Zaburi 105:4

Dhiuru ire mondo okonyu, kendo beduru kode kinde duto.

Zaburi 149:4

nimar Ruoth Nyasaye ohero joge. Oting’o joma obolore malo, komiyo gilocho.

Zaburi 22:26

Joma odhier nochiem achiema mi yieng’, kendo jogo madwaro Ruoth Nyasaye biro pake. Mad gidhi nyime maber nyaka chieng’!

Zaburi 31:20

Ipandogi kama intie mondo kik ji hinygi. Ee, ipandogi kama ogeng’ore, mondo kik wasikgi yanygi.

Zaburi 45:4

Dhi adhiya kiidho farasi, kirwakori gi lep duong’, mondo ilo, kendo ikel adiera gi muolo kod bura makare. Tekoni maduong’ biro miyo itimo timbe madongo!

Zaburi 57:1

Kecha, A Nyasaye! Yie ikecha, nikech aringo iri mondo ayud kar konyruok. Ee, ayueyo e tipo mar bwombeni nyaka masiche duto kadhi.

Zaburi 76:9

kane ichung’ mondo ing’ad bura, kendo mondo ires ji duto ma ithiro e piny ka.

Zaburi 91:1

Ng’at madhi ir Nyasaye Maduong’ Moloyo mondo oyud resruok kata ngat mosiko e tipo mar Ng’at Manyalo Gik Moko Duto,

Wuok 12:27

to unudwokgi ni, ‘En misango mar Pasaka mitimo ni Ruoth Nyasaye nikech nokadho ut jo-Israel e piny Misri konego jo-Misri, to oweyo miechwa.’ ” Kane Musa otieko wuoyo, jo-Israel nogoyo chonggi piny molemo.

Ngeche 18:10

Nying Ruoth Nyasaye chal gi dala mochiel motegno, ma ng’at makare nyalo ringo resoree.

Isaya 1:17

kendo uwe timo richo to utim mana gik mabeyo. Luwuru mana adiera, kendo konyuru joma ithiro. Bende nyaka une ni nyithi kiye kod mond liete oyal buchegi kare.”

Isaya 11:4

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Jeremia 39:18

Anariti maber, mi ok nonegi, initony nikech isegeno kuoma to kata kamano, inires mana ngimani kende. An Ruoth Nyasaye ema awacho kamano.”

Jeremia 45:5

Idwaro mondo iyud gik ma dongo dongo, to onego iwe dwarogi, nimar abiro kelo masira ni ji duto e piny. In to, initony kamoro amora midhiye, to ngimani kende ema niresi.’ ”

Ezekiel 13:5

Ok gidhi mondo gilos kuonde ma ohinga omukoree e piny Israel, omiyo ok ubi siro lweny, chieng’ Ruoth Nyasaye.

Hosea 10:12

Bang’e ne awachonigi niya, ‘Chwouru timbe makare, eka unuka gueth mawuok kuomgi. Paruru okang’, nikech en kinde ma onego uduogie ira, an Ruoth Nyasachu, mi nabi kendo aol gueth kuomu.’

Hosea 7:10

Sunga ma jo-Israel nigo nyiso ni gin joricho, to kata kamano, pod gitamore duogo ira, an Ruoth Nyasachgi.

Jona 3:9

Kamoro Nyasaye dipo ka olokore moweyo mirimbe, mi ok watho.”

Zekaria 8:19

“Kinde mag riyo kech e due mar ang’wen gi mar abich gi mar abiriyo kod mar apar biro lokore sewni mag mor gi ilo ni jo-Juda. Omiyo beduru gi adiera kod kue.”

Mathayo 5:5

“Joma muol gin johawi, nikech piny nobed margi.

1 Jo-Thesalonika 4:1

To koro mogik, owetewa, wan kod gimoro achiel monego wakwau kaka jo-Kristo wetewa. Wakwayou ni mondo ngimau obed moluwore gi puonj mane wamiyou. Ne wanyisou kaka onego uwuothi mondo ubed malong’o ni Nyasaye, kendo adier mano e kaka uwuotho, to kata kamano wajiwou mondo umed timo kamano moloyo.

1 Jo-Thesalonika 4:10

Adier, mano e kaka uhero owete duto man Makedonia, to wahombou owetewa, ni mondo umed timo kamano moloyo.

1 Petro 1:22

Koro kaka usepwodho chunyu kuom winjo wach mar adiera, kendo uheroru maonge miganga kaka owete, omiyo herreuru chuth gi chunyu duto,

1 Petro 3:4

To beyou onego obed mana mar chuny. En ber ma ok rum, kendo mamuol, kendo modembore, kendo ma nengone tek e nyim Nyasaye.

2 Petro 3:18

To donguru kuom ng’wono, kumedo ng’eyo Ruodhwa kendo Jawarwa Yesu Kristo. Duong’ obedne kawuono kendo nyaka chieng’. Amin.