Zefania 1:8 - MUMA MALER 2015

⁸ Owacho niya, “Ka chieng’ ma atimoe misango ochopo, to anakum joka ruoth kod jotendgi madongo, kaachiel gi joma luwo timbe jopinje mamoko.

Motingʼo Loko Manyien

⁸ “E odiechiengʼ mitimoe misango mar Jehova Nyasaye abiro kumo joka ruoth, yawuot ruoth, kaachiel gi ji duto morwakore gi lewni mag jopinje mamoko.

Zefania 1:8 ပူးပေါင်းရင်းမြစ်များ

2 Ruodhi 10:22

Jehu nonyiso jarit lep lemo mondo opogni jolam Baal duto lewnigo, mi nomiyogi.

Isaya 10:12

Ka Ruoth Nyasaye osetieko kumo jo-Jerusalem kaka nochano to enokum ruodh Asuria kuom timbene mag sunga kod ng’ayi,

Isaya 2:6

Ruoth Nyasaye osejwang’ou nikech uyie gi jo yo wuok chieng’ ma dhi ajuoga, kendo mawuoyo gi jochiende mana ka jo-Filistia. Bende jopinje mamoko yudore kamoro amora e pinyu.

Isaya 24:21

Chieng’no Ruoth Nyasaye nong’ad bura, mi malaika mae polo, nokum e polo, kendo ruodhi mae piny, nokum e piny.

Isaya 39:7

Yawuoti moko nolok wasumbini. Adier moko kuom yawuoti hie nolok wasumbni mabuoch e od ruodh Babulon.”

Habakuk 1:10

“Gijaro ruodhi kod jodonggi, bende giseyo kuonde mochiel motegno mag siro lweny, nikech gidhuro pidhe mag lowo, ma giidhogo ohinga, kendo gimuko kuonde mochiel motegnogo.

Rapar mar Chik 22:5

“Dhako kik rwakre ka dichwo, dichwo bende kik rwakre ka dhako, nimar joma otimo kamano okwedi e nyim Ruoth Nyasaye ma Nyasachu.