Zefania 1:14 - MUMA MALER 2015

¹⁴ Odiechieng’ mang’ongo mar Ruoth Nyasaye chiegni. En odiechieng’ marach, kendo obiro koringo piyopiyo, moloyo jalweny ma jang’wech.

Motingʼo Loko Manyien

¹⁴ “Odiechiengʼ maduongʼ mar Jehova Nyasaye chiegni, adier ochiegni kendo obiro piyo. Chik iti! Ywagruok e odiechieng Jehova Nyasaye nobed malit, kendo jolweny bende nogo koko kanyo.

Zefania 1:14 ပူးပေါင်းရင်းမြစ်များ

Isaya 15:4

Jo-Heshbon kod jo-Eleale noywagi, mi ywakgi nowinjre nyaka Jahaz. Mano emomiyo thuond Moab marateke luoro nomaki, kendo chir ma gin-go norum.

Isaya 33:7

Neuru kaka thuondu ywak e wang’yore. Adier, joote museoro mondo odwar kue, ywak malit.

Isaya 66:6

Winjuru! Tulo omuoch e dala Jerusalem. Koko winjore e Hekalu! En dwond Ruoth Nyasaye makumo wasike gi kum mowinjore kodgi.

Isaya 8:22

Kata ka giting’o wang’gi malo, kata ka girango piny, to chandruok gi mudho kod chuny malit ema ginine kuonde duto, kendo noriembgi, mi witgi e mudho mandiwa.

Jeremia 25:36

Giywak kendo gigoyo uwi ka gin gi lit, nimar Ruoth Nyasaye oseketho pinygi,

Jeremia 30:7

Odiechieng’ marach biro, kendo onge odiechieng’ machal kode. En chieng’ marach ni nyikwa Jakobo. To kata kamano, gibiro tony.”

Jeremia 46:5

To Ruoth Nyasaye penjo niya, “Koro ang’o ma aneno ka timoreni? Gigore nyang’eng’o. Thuondi oselo, omiyo luoro ohewogi, kendo giringo matek ma ok gigo machiemo.

Jeremia 48:41

Miechgi gi kuondegi mochiel motegno ibiro kawo. Chieng’no jolweny mag Moab nobed gi kihondko mana ka dhako ma muoch kayo.

Ezekiel 12:23

To nyisgi ni an Ruoth Nyasaye awacho kama: Abiro tieko ngerono chuth, mi ok nochak ogoye e Israel kendo. Bende nyisgi ni kinde osechopo ma gik moko duto mane okor biro timore adier!

Ezekiel 30:3

nikech chieng’ masira chiegni! Adier, chieng’ Ruoth Nyasaye chiegni! Enobed odiechieng’ ma piny dudoe, kendo ma ogendini yudoe chandruok.

Ezekiel 7:12

Kindeno biro! Adier, ndalono sudo machiegni! Jong’iewo gi joloko ok onego obed mamor, bende ok onego giywagre, nikech mirimb Nyasaye ni kuomgi giduto.

Ezekiel 7:16

Kata ka moko notony mi dhi e gode, ka akuche maluor, to ginitho kuro nikech richogi.

Joel 1:15

Chieng’ Ruoth Nyasaye chiegni, chieng’ ma Ng’ama Nyalo Gik Moko Duto keloe masira malich. Chieng’no nobed marach manade!

Joel 2:1

Gouru tung’ kendo gouru uwi e Sayun got maler mar Nyasaye. Jo-Juda duto mondo okirni, nikech chieng’ Ruoth Nyasaye biro machiegni.

Joel 2:11

Ruoth Nyasaye ruto e nyim ogandane mar lwenyno. Joge mag lweny ng’eny, kendo rateke. Ndalo Ruoth Nyasaye lich manade! Ere ng’ama nyalo siro chieng’no?

Joel 2:31

wang’chieng’ nolokre mudho, kendo due nolokre makwar ka remo, ka pok chieng’ maduong’ miwuoro mar Ruoth Nyasaye ochopo.

Joel 3:14

Ji gana gi gana nie holo mar ng’ado bura. Kanyo ema chieng’ Ruoth Nyasaye chiegni chopoe.

Joel 3:16

Dwond Ruoth Nyasaye mor gi ewi got Sayun. Ee, omor Jerusalem, kendo polo gi piny yiengni. To Ruoth Nyasaye nores joge Israel, kobedonigi kama ginyalo geng’oree.

Amos 8:2

Ruoth Nyasaye nopenja niya, “Amos, ineno ang’o?” Ne adwoke ni, “Aneno atonga moting’o olemo mochiek.” Eka ne Ruoth Nyasaye owachona niya, “Joga Israel bende ochiek ni yudo kum, kendo ok nachak awegi mak akumogi.

Zefania 1:10

“Chieng’no, ywak nowinjre e dharangach miluongo ni Dhoranga Rech, kendo e bath dala koma nyien, bende koko maduong’ nogore e gode,

Zefania 1:7

Ling’uru thi e nyim Ruoth Nyasaye, nimar odiechienge chiegni. Ruoth Nyasaye oseloso misango, kendo osepwodho wende.

Malaki 4:5

“To ka pok chieng’ maduong’ kendo malich mar Ruoth Nyasaye ochopo, abiro oro Elija janabi,

Tich Joote 2:20

Wang’chieng nolokre mudho, to due nolokre makwar ka remo, kapok chieng’ Ruoth ochopo. En chieng’ maduong’ miwuoro!

Jo-Filipi 4:5

Muolo maru mondo onenre ni ji duto. Ruoth chiegni,

1 Jo-Thesalonika 4:16

Chieng’no dwol moro nogol chik, kendo dwond malaika maduong’ nowinji, kendo tung’ mar Nyasaye noywagi, kendo Ruoth owuon nolor koa e polo. Eka joma notho koyie kuom Kristo nochier mokwongo.

Jo-Hibrania 12:26

Adier, dwonde noyiengo piny e ndalono, to koro osesingore niya, “Pod abiro yiengo piny nyadichiel kendo. To ok piny kende ema abiro yiengo, to koda ka polo bende abiro yiengo.”

Jakobo 5:9

Owetena, kik ng’ato ng’ur gi wadgi, mondo chieng’ moro Nyasaye kik ng’adnu bura. Jang’ad bura ni ka kendo ochung’ mana e dhoot.

2 Petro 2:3

Kuom gombo chamo gik malang’, jopuonj mag miriambo nokaw giu gi weche mag wuond. To jang’ad bura oseng’ado buchgi chon! Kum ema oritogi, kendo ng’ama biro tiekogi ok nindi!