Zefania 1:10 - MUMA MALER 2015

¹⁰ “Chieng’no, ywak nowinjre e dharangach miluongo ni Dhoranga Rech, kendo e bath dala koma nyien, bende koko maduong’ nogore e gode,

Motingʼo Loko Manyien

¹⁰ Jehova Nyasaye wacho niya, “Chiengʼno, ywak noywagre koa e rangach miluongo ni Dhoranga Rech, nduru noa e bath dala koma nyien, kendo koko nogore matek koa e gode.

Zefania 1:10 ပူးပေါင်းရင်းမြစ်များ

2 Samuel 5:7

To kata kamano Daudi nokawo Sayun, dala mochiel gi ohinga, ma tinde iluongo ni Dala Daudi.

2 Samuel 5:9

Bang’e Daudi nodak e dala mochiel gi ohingano, mi noluonge ni Dala Daudi. Nomedo gero udi molwore, chakre ohinga mar Milo, ka dok ka iye.

2 Ruodhi 22:14

Omiyo Hilkia jadolo gi Ahikam gi Akbor gi Shafan kod Asaya ne jodhi ir Hulda janabi madhako ma chi Shalum wuod Tikva, ma wuod Harhas, jarit lep lemo, mane odak Jerusalem e migawo mar ariyo. Ne giwuoyo kode,

2 Weche mag Ndalo 3:1

Solomon nochako gero Od Ruoth Nyasaye Jerusalem e laru mar Ornan ja-Jebus, mane nie got Moria. Daudi wuon mare ema noyiero laruno nikech Ruoth Nyassye nofwenyorene kanyo.

2 Weche mag Ndalo 32:22

Kamano Ruoth Nyasaye noreso Hezekia gi jo-Jerusalem e lwet Senakerib ruodh Asuria kendo e lwet wasike duto, mi nomiyogi kue e mbapgi duto.

2 Weche mag Ndalo 33:14

Bang’e nogero ohinga moro e holo gi yo ka oko mar dala Daudi kor podho chieng’ mar Gihon. Ohingano nochopo e Dhoranga Rech, mi odhogo got Ofel kendo nodhi malo mabor ahinya. Bende noketo jotend jolweny e miech Juda duto mochiel gohinga.

2 Weche mag Ndalo 34:22

Omiyo Hilkia, gi jogo mane ruoth ooro, nodhi ir Hulda janabi madhako ma chi Shalum wuod Tikva, ma wuod Harhas, jarit lep lemo, mane odak Jerusalem e migawo mar ariyo. Ne giwuoyo kode kuom wachno,

Nehemia 12:39

Ne wakadho Ranga Efraim gi Ranga Dala Machon gi Ranga Rech gi kama oger mabor mar ng’icho mar Hananel kod mar Hamea nyaka wachopo e Ranga Rombe. Mi ne gichung’ e Ranga Od Jorito.

Nehemia 3:3

Ranga Rech to yawuot Hasenaa ema nogero. Ne gichungo sirni mage, kendo ne girwako thikene gi radedi kod lodi mage.

Isaya 59:11

Wang’ur mana ka ondiegi, kendo waywagore malit mana ka tula. Wageno yudo adiera, to ok wayudi. Warito resruok to pod en mabor ahinya.

Jeremia 39:2

Kamano chieng’ due ochiko due mar ang’wen e higa mar apar gauchiel mar loch ruoth Zedekia, ne omuk ohinga mar Jerusalem.

Jeremia 4:31

Ne awinjo ywak ka mar dhako ma muoch kayo. Ee, mana kaka mar dhako ma hango nywol. Kara ne en mana dwond Jerusalem, ma gamo yueyo, kendo orieyo bade kawacho niya, “Arumo! Chunya dwaro a, nikech jonek lwora mondo onega.”

Ezekiel 6:13

Bang’e ringre joma otho noriere e kind nyisechegi manono, but kendegi mag misango, ewi gode matindo gi madongo, kendo e bwo yien duto motimo otiep, ma tiende ni kuonde duto mane giwang’oe ubani mang’ue ng’ar ni nyisechegi. Eka ng’ato ka ng’ato nong’e ni an e Ruoth Nyasaye.

Amos 8:3

Chieng’no wende ma iwero e od ruoth nolokre mag ywak, kendo ringre jomotho nopie kuonde duto, to piny noling’ thi.”

Zefania 1:15

Chieng’no en chieng’ bura, kendo en chieng’ ywagruok gi rem, bende en chieng’ kethruok gi lal, kod mudho gi kuyo, kaachiel gi rumbi molil kod ong’ueng’o malich. En chieng’ ma tung’ ywakie,

Zefania 1:7

Ling’uru thi e nyim Ruoth Nyasaye, nimar odiechienge chiegni. Ruoth Nyasaye oseloso misango, kendo osepwodho wende.