Zaburi 9:2 - MUMA MALER 2015

² Abiro wer gi ilo nikech in. A Nyasaye Maduong’ Moloyo, abiro pako nyingi gi wer!

Motingʼo Loko Manyien

² Abiro bedo mamor kendo abiro bedo moil kodi; abiro pako nyingi gi wer, yaye Nyasaye Man Malo Moloyo.

Zaburi 9:2 ပူးပေါင်းရင်းမြစ်များ

Zaburi 83:18

Kamano mondo ging’e, A Ruoth Nyasaye, ni in kende e Ruoth Maduong’ e piny ngima.

Zaburi 5:11

We ji duto maringo iri obed mamor, kendo we giwer pile gi ilo. Rit joma oheri mondo obed mamor ahinya mana nikech in,

Zaburi 7:17

Abiro pako Ruoth Nyasaye kuom adiera mare. Abiro wero wende pak ni Ruoth Nyasaye Maduong’ Moloyo.

Zaburi 97:9

A Ruoth Nyasaye Maduong’ Moloyo, in ruodh piny ngima, kendo iduong’ moloyo nyiseche mamoko duto.

Zaburi 28:7

Ruoth Nyasaye e tekra, kendo e okumbana. Asegeno kuome, mi okonya, omiyo amor kendo awerone wende pak.

Jo-Filipi 4:4

Beduru mamor pile kuom Ruoth kendo amedo wacho ni, beduru mamor.

Zaburi 97:12

Un joma kare duto, beduru gi ilo, kendo pakuru Nyasaye kuom gik mosetimo.

Zaburi 92:1

A Ruoth Nyasaye Maduong’ Moloyo, goyoni erokamano kendo pako nyingi en gima ber.

Daniel 5:18

“Nyasaye Maduong’ moloyo noketo Nebukadnezar kwaru obedo ruoth maduong’ man gi teko kod duong’.

Zaburi 92:4

A Ruoth Nyasaye, timbeni madongo miya mor, kendo awer gi ilo nikech gik ma isetimo.

Zaburi 43:4

Bang’e anadhi e kendoni mar misango, A Nyasaye. Anapaki gi thum, yaye Nyasaye ma Nyasacha.

Zaburi 27:6

Kamano analo wasigu molwora koni gi koni. Anachiw misengni e Hekalu gi mor, kendo anapak Ruoth Nyasaye gi wer.

Zaburi 26:7

ka awero wend erokamano, kendo ka ahulo gik malich ma itimo. A Ruoth Nyasaye, ahero ot ma idakie ma en kama duong’ mari maler nitie.

Zaburi 86:12

Abiro paki gi chunya duto, A Ruoth Nyasacha, bende abiro miyo nyingi duong’ nyaka chieng’,

Zaburi 96:3

Huluru ni ji duong’ne maler, mondo ji duto owinj timbene madongo.

Zaburi 138:1

A Ruoth Nyasaye, agoyoni erokamano gi chunya duto. Apaki gi wer e nyim nyiseche.