Zaburi 85:3 - MUMA MALER 2015

³ Ne iweyo kecho kodgi, mi chunyi olendo kuom mirima mager mane in go.

Motingʼo Loko Manyien

³ Mirimbi duto ne iketo tenge, kendo ne ilokori iweyo mirimbi mager.

Zaburi 85:3 ပူးပေါင်းရင်းမြစ်များ

2 Weche mag Ndalo 6:39

to yie mondo iwinj e polo kama idakie lemo ma gikwayigo, kendo ikonygi kiweyo ni jogi richo ma gisetimo e nyimi.

Zaburi 106:23

Kuom mano Nyasaye nowacho ni obiro tieko joge, to Musa jatichne moyiero nochung’ e kinde gi ji, mondo ogeng’ mirimbe kik tiekgi.

Zaburi 78:38

En to nokechogi, mong’wononigi kuom richogi, mi ok otiekogi. Kinde mathoth ne omwonyo mirimbe, nikech ne ok odwar kecho kodgi.

Wuok 32:22

Harun nodwoke niya, “Ruoth, kik ikechi. Ing’eyo ang’eya kaka chuny jogi richo.

Isaya 12:1

Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

Isaya 40:1

Nyasachu wacho kama: “Houru chuny joga! Hogiuru!

Isaya 40:2

Wuouru gi jo-Jerusalem gi muolo, kuwachonigi ni gisetieko ndalogi mag tuech, kendo ni osekumgi moromo. Ruoth Nyasaye osekumogi nyadiriyo kuom richogi duto.”

Isaya 6:7

mane osegolo e kendo-mar-misango gi ramaki. Ne orewo dhoga ka owacho niya, “Winji, majni oserewo dhogi, omiyo timbeni mamono oweni. Adier, richoni opwodhi.”

Jeremia 50:20

Ka kindeno ochopo, to onge richo ma noyud kuom jo-Israel kata kuom jo-Juda, nikech joma aweyo ka ngima, ema bende anawenigi richogi. An Ruoth Nyasaye ema awacho kamano.

Ezekiel 16:63

Chieng’ ma anapuodh gik maricho duto ma isetimo, eka inipargi, mi wiyi kuodi, ma kata mana loso ok nilosi. An Ruoth Nyasaye ema awacho kamano.”

Jona 3:9

Kamoro Nyasaye dipo ka olokore moweyo mirimbe, mi ok watho.”

Mika 7:19

Inichak ikechwa kendo, mi inyon richowa e tiendi, kendo inyumgi e bwo nam.

Johana 1:29

Kinyne, Johana noneno Yesu kabiro ire, mowacho ni, “Neuru! Jalcha e Nyarombo Nyasaye, magolo richo mag piny!

Rapar mar Chik 13:17

To kik ukaw gimoro kata achiel kuom gik monego keth chuthgo, eka mirima mager mar Ruoth Nyasaye norum, mi notimnu ng’wono kendo nomi unya kaka nosingore ni kwereu.

Rapar mar Chik 32:43

“Un polo, moruru kaachiel gi Ruoth Nyasaye. Un nyiseche duto, kulreneuru. Moruru un ogendini kaachiel gi joge, kendo malaika duto mag Nyasaye mondo opak tekone, nikech enochul kuor kuom remb jotichne, kokumo wasike kod joma ochaye. Enopwodh piny kaachiel gi joge.”