Zaburi 82:2 - MUMA MALER 2015

² Owachonigi niya, “Nyaka uwe ng’ado buch amwor, bende nyaka uwe chwako joma richo.

Motingʼo Loko Manyien

² Nyaka karangʼo ma ubiro dhi nyime ka udewo wangʼ joma ok timbegi nikare kendo kudewo wangʼ joma timbegi richo? Sela

Zaburi 82:2 ပူးပေါင်းရင်းမြစ်များ

1 Ruodhi 18:21

Eka Elija nochung’ e nyim ji duto, mopenjogi niya, “Unuriwni e kind paro ariyo nyaka karang’o? Ka Ruoth Nyasaye en Nyasaye, to luweuru; to ka Baal e Nyasaye, to luwuru Baal.” To ji noling’ thi.

2 Weche mag Ndalo 19:7

Emomiyo tiuru kuluoro Ruoth Nyasaye. Ritreuru kuom gima utimo, nimar Ruoth Nyasaye ma Nyasachwa ok oyie gi ng’ado buch amwor kata buch nyakonchiel kata chamo asoya.”

Ayub 32:21

Ok abi chwako ng’ato e wachni, kendo ok abi wuondo ng’ato.

Ayub 34:19

Nyasaye ema nochueyo ng’ato ka ng’ato, omiyo ok ochwak achwaka jotelo kayiem nono, bende otimo ni joma odhier gi joma omew mana machalre.

Zaburi 62:3

Un duto ubiro monjo ng’at achielni nyaka karang’o mondo unegi? To ochalo mana gi ohinga mobam madwaro podho, kata chiel mohungore konchiel!

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Ngeche 18:5

Ok en gima kare chwako jaketho, kata ketho buch ng’ama kare.

Ezekiel 45:9

Ruoth Nyasaye nowacho niya, “Usetimo richo aming’a un jotend Israel. Weuru timbeu mag mecho kod mag thir muthirogo ji. To timuru mana gik makare kendo mowinjore. Bende kik uchak uriemb joga e lopgi kendo. An Ruoth Nyasaye ema awacho kamano.

Tim jo-Lawi 19:15

“Kik iketh bura kuom dok ni jachan, kata kuom luoro ng’ama duong’ to ng’ad ni wadu bura kare kichung’ e adiera.

Mathayo 17:17

Yesu nowacho niya, “Yaye! Ma tieng’ maonge gi yie, kendo mobam manade! Nyaka karang’o ma onego abedie kodu? Koso anachandra kodu nyaka karang’o?”

Jo-Galatia 2:6

To jogo mane onenore ka jotelo ne ok omiya wach moro manyien. (Awacho ni ne ginenore ka jotelo, nikech ok adewo gima gin, nimar Nyasaye ok odewo nenruok maoko mar dhano.)

Rapar mar Chik 1:17

Nyaka ubed joratiro kung’ado bura, kendo nyaka uwinj wach ng’at modhier mana kaka uwinjo wach jamoko. Kik uluor wang’ ng’ato, nikech ng’ado bura en mar Nyasaye. Kapo ni uneno ka bura moro tek ahinya, ma ok unyal ng’ado, to kelnagouru mondo ayale.’