Zaburi 81:3 - MUMA MALER 2015

³ Gouru tung’ ka due opor, kendo ka due otegno, kunyisogo ni gin ndalo mag nyasi.

Motingʼo Loko Manyien

³ Gouru tung im ka dwe manyien ochakore, ma en ka dwe osetegno, e odiechiengʼ mar Nyasiwa mogen.

Zaburi 81:3 ပူးပေါင်းရင်းမြစ်များ

2 Ruodhi 4:23

Chwore nopenje niya, “Ang’o momiyo idwaro dhi ire kawuono? Due pok opor, bende ok en chieng’ Sabato.” Nodwoke ni, “Adhi adhiya.”

1 Weche mag Ndalo 15:16

Daudi nochiko jotend jo-Lawi bende mondo oyier owetegi ma jower molony kendo mong’eyo goyo thumbe mopogore opogore mamit.

1 Weche mag Ndalo 15:19

Heman gi Asaf kod Etham ma jower noyier mondo ogo ongeng’o mag mula,

1 Weche mag Ndalo 15:24

Shebania gi Jehoshafat gi Nethaneel gi Amasai gi Zekaria gi Benaya kod Eliezer ma jodolo ne goyo tung’ e nyim Sanduk mar Nyasaye. Obed-edom gi Jehia bende ne jorit dhout Sanduk.

1 Weche mag Ndalo 16:42

Heman gi Jeduthun ne nigi tung’ gi ongeng’o kod kit thumbe moko mipakogo Nyasaye. To yawuot Jeduthun noket jorit dhoudi.

1 Weche mag Ndalo 16:6

to Benaya gi Jahaziel ma jodolo ne goyo tung’ odiechieng’ thole e nyim Sandug Muma mar Nyasaye.

1 Weche mag Ndalo 25:1

Daudi gi jodonge nowalo yawuot Asaf gi yawuot Heman gi yawuot Jeduthun ni tich lemo, mondo gikor wach ka gigoyo thumbe gi nyigwerni kod ongeng’o. Joma nomi tijno e magi:

2 Weche mag Ndalo 13:12

Neuru kaka Nyasaye ni kodwa, kotelonwa. Neuru kaka jodolone ting’o tungegi mag lweny ma gibiro goyo mondo warad kodu. Un jo-Israel kik uked gi Ruoth Nyasaye ma Nyasach kwereu, nimar ok unyal loye.”

2 Weche mag Ndalo 13:14

Kane jo-Juda ong’icho, ne gipo ka gineno jolweny koni gi koni, mi giywak ni Ruoth Nyasaye, kendo jodolo nogoyo tung’.

2 Weche mag Ndalo 2:4

nimar adwaro gero ot moyang ni Ruoth Nyasaye ma Nyasacha, kama jodolo nowang’ie ubani mang’we ng’ar e nyim Ruoth Nyasaye, kendo nochiwie makati miketo e nyime pile, kendo notimie misengni miwang’o pep okinyi godhiambo, kod miwang’o e ndalo mag Sabato, kendo ka due por, kendo e ndalo sewni ma Ruoth Nyasaye oseketo ni Israel nyaka chieng’.

2 Weche mag Ndalo 5:12

Jo-Lawi duto ma jower nochung’ yo wuok chieng’ mar kendo-mar-misango. Ne gin Asaf gi Heman gi Jeduthun kod yawuotgi gi jowetegi. Ne girwako lewni mag law katana maber, ka gigoyo ongeng’o gi thumbe mopogore opogore. Jodolo mia achiel gi piero ariyo bende ne goyo tung’.

2 Weche mag Ndalo 8:13

Odiechieng’ kodiechieng’ notimo misengni koluwo chik Musa. Notimogi chieng’ ma due opor, kendo e ndalo sewni adek mag higa, ma gin Sap Makati ma ok ketie Thowi, gi Sap Jumbe, kod Sap Kiche.

Zaburi 149:3

Denduru nyinge ka umiel. Adier, gouru bul kod thum, kupakego,

Zaburi 33:2

Gouru ni Ruoth Nyasaye erokamano gi nyatiti, kendo werneuru gi thum man gi puye apar.

Zaburi 98:6

kaachiel gi asili kod tung’, kukok gi ilo e nyim Ruoth Nyasaye ma ruodhwa.

Ywagruok 2:6

Osegolo gik moko duto e Hekalu mare, mi odong’ nono mana ka kiru mowe e puodho. Adier, kama ler ma joge chokoree osemuko chuth. Ruoth Nyasaye osemiyo wi ji owil gi sewni madongo kod Sabato e Sayun, kendo osejwang’o ruoth kod jodolo ka iye owang’.

Nahum 1:15

Neyeuru kaka jaote ringo kalor e gode kakelo wach maber mar kue. Owacho niya, “A yaye, un jo-Juda, timuru sewni mau, kendo chiwuru ni Ruoth Nyasaye gik mane usekuong’oru ni unuchiw, nimar joma richo ok nochak olou kendo, nikech osetiekgi chuth.”

Kwan 15:3

to unutim ni Ruoth Nyasaye misengni miwang’o. Ginyalo bedo misengni miwang’o pep, kata misengni michopogo kuong’ruok, kata ma ng’ato timo kuom herone, kata mitimo e ndalo mag sewni moketi. Ka uwang’o ni Ruoth Nyasaye jambu ka misango ma dum tik mamit kamano,

Kwan 28:11

“To chieng’ due achiel mar due ka due nyaka uchiw nyiruedhi ariyo gi im achiel kod nyiimbe abiriyo ma hikgi achiel achiel mondo otimgo misango miwang’o pep. Jamnigo duto nyaka bed maonge songa.

Rapar mar Chik 16:15

Nyaka utime ni Ruoth Nyasaye ma Nyasachu kaka obiro yiero, nimar unubed mamor ka Ruoth Nyasaye ma Nyasachu oguedho gik monyak e puotheu kod gik moko duto mutimo.

Jo-Kolosai 2:16

Kuom mano, kik uwe ng’ato ketnu chik kuom gik ma uchamo kata gik mumadho, kata kuom wach sawo moro, kata kuom rito ndalo mag due mopor kata Sabato.