Zaburi 76:3 - MUMA MALER 2015

³ Kanyo ema ne oturoe aserni gi okumbni kod ligengni mag wasigu.

Motingʼo Loko Manyien

³ Kanyo ema e oturoe aserni makakni, kaachiel gi okumbni gi ligengni, ma gin gig lweny. Sela

Zaburi 76:3 ပူးပေါင်းရင်းမြစ်များ

Chakruok 14:18

To Melkizedek mane ruodh Salem kendo jadolo mar Nyasaye Maduong’ Moloyo nokeloni Abram chiemo gi divai kendo noguedhe,

2 Weche mag Ndalo 20:25

Kane Jehoshafat kod joge odhi mondo oyeki, ne giyudo dhok mathoth, gi mwandu gi lewni kod gik moko mabeyo mang’eny, mane ok ginyal ting’o duto. Ne gitieko ndalo adek ka pod giyeko, nimar gigo ne ng’eny ahinya.

2 Weche mag Ndalo 32:21

Eka Ruoth Nyasaye nooro malaika e kambi mar ruodh Asuria, motieko thuondi gi jodongo kod jotend jolweny duto. Omiyo nodok e pinye ka en gi wichkuot. To kane odonjo e od nyasache, yawuote moko nonege kanyo.

Zaburi 46:9

Otieko lwenje e piny duto. Oturo atunge kod tonge, kendo owang’o okumbni gi mach.

Zaburi 9:12

Nyasaye paro jogo ma ithiro, bende wiye ok wil gi ywakgi. En e jachul kuor, kendo okumo joma timonigi marach.