Zaburi 72:2 - MUMA MALER 2015

² Kamano enorit jogi gi adiera, kendo notel ni jochan e yo makare.

Motingʼo Loko Manyien

² Obiro ngʼado ne jou bura makare, obiro kelo adiera ne jou masandore.

Zaburi 72:2 ပူးပေါင်းရင်းမြစ်များ

2 Samuel 23:3

Nyasach Jakobo, lwanda mar Israel, oseloso, kowacho niya, ‘Ka ruoth rito ji gi bura makare, nikech oluoro Nyasaye,

1 Ruodhi 10:9

Apako Ruoth ma Nyasachi moheri, kendo oketi ruodh Israel. Ruoth Nyasaye oseketi ruoth ni mondo ing’ad bura kare.”

1 Ruodhi 3:28

Jo-Israel duto nowinjo bura mane ruoth ong’ado, mi ne giluore, nikech ne gineno ni rieko Nyasaye ni kuome, ka konye ng’ado bura makare.

1 Weche mag Ndalo 29:19

Kony Solomon wuoda mondo omak chikeni gi bucheni mondo ochopgi duto, kendo oger Hekalu ma koro aseikone gik moko.”

Ayub 34:19

Nyasaye ema nochueyo ng’ato ka ng’ato, omiyo ok ochwak achwaka jotelo kayiem nono, bende otimo ni joma odhier gi joma omew mana machalre.

Zaburi 12:5

To Ruoth Nyasaye wacho niya, “Koro abiro biro nikech ithiro jochan, kendo joma isando chur malit nikech rem. Abiro miyogi kue ma gigombo.”

Ngeche 29:14

Ruoth mang’ado ni joricho bura kare ema lochne nogurre mosiko.

Isaya 32:1

Winjuru! Ruoth moro biro biro ma norit piny e yo makare, kendo jotende noti gi adiera.

Isaya 32:17

mi kue nosik nyaka chieng’, kendo luoro ok nobedie.

Isaya 9:7

Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.

Jeremia 33:15

E kindeno anakel nyakwar Daudi hie, mi enotim gik malong’o kendo makare.

Ezekiel 34:16

“Anamany rombe molal, mi achok mago moke, bende anachom mago motur, kendo anathiedh mago matuo, mi arit mago mangima kendo machue, nimar an e jakwath marito rombe e yo makare.

Fweny 19:11

Eka ne aneno polo ka oyawore, kendo ne aneno faras marachar ka ni kanyo, to Jal mane oidhe iluongo ni Ng’ama Igeno, kendo Jaadiera. Iluonge kamano nikech ong’ado bura kare, kendo okedo e yo makare.