Zaburi 72:1 - MUMA MALER 2015

¹ A Nyasaye, puonj ruoth mondo ong’ad bura mana gi adierani, kendo ipuonje timni makare.

Motingʼo Loko Manyien

¹ Sidh ne ruoth adiera mari, yaye Nyasaye, sidh ne wuod ruoth timni makare.

Zaburi 72:1 ပူးပေါင်းရင်းမြစ်များ

Isaya 11:2

Roho mar Ruoth Nyasaye nobi kuome. En Roho makelo rieko gi ng’eyo, kendo ma ng’ado ni ji rieko, kendo miyo ji teko, bende en Roho ma puonjo ji luoro Nyasaye.

2 Weche mag Ndalo 1:10

Yie imiya rieko mondo ang’e kaka datel ni ogandani, nimar ere ng’ama dinyal rito jogi mang’enygi?”

1 Weche mag Ndalo 29:19

Kony Solomon wuoda mondo omak chikeni gi bucheni mondo ochopgi duto, kendo oger Hekalu ma koro aseikone gik moko.”

1 Ruodhi 1:39

Zadok jadolo nokawo tung’ mar mo mane ogolo e Hemb Nyasaye, mowirogo Solomon kuno. Eka ne gigoyo tung’, kendo ji duto nokok niya, “Ruoth Solomon mondo odag aming’a!”

Zaburi 127:1

Ka ok Ruoth Nyasaye ema ogero ot, to tich gedo odhi kanono, kendo ka ok en ema orito dala, to tich jorito ok nyal gimoro!

Johana 3:34

Jal mane Nyasaye ooro wacho mana weche Nyasaye, nimar Nyasaye chiwo Roho mogundho, ma ok ong’wonyo lwete.

2 Samuel 23:3

Nyasach Jakobo, lwanda mar Israel, oseloso, kowacho niya, ‘Ka ruoth rito ji gi bura makare, nikech oluoro Nyasaye,

1 Ruodhi 3:9

Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

1 Weche mag Ndalo 18:14

Daudi nobedo ruodh Israel duto, morito piny gi kue, kong’ado bura kare ni joge duto.

1 Weche mag Ndalo 22:9

To ininywol wuowi ma lochne nobed gi kue. Anamiye kue, kamiyogi yueyo e ndalone.