Zaburi 71:9 - MUMA MALER 2015

⁹ Kik koro idaga ni ati! Adier, kik tinde ijwang’a ni tekra orumo.

Motingʼo Loko Manyien

⁹ Kik ijog koda ka koro ati; kik ijwangʼa ka tekra orumo.

Zaburi 71:9 ပူးပေါင်းရင်းမြစ်များ

2 Samuel 19:35

Koro an jahigni piero aboro. Iparo ni pod nitie gimoro manyalo miya mor? Koso awinjo dhath gima achamo kata mar gima amadho? Iparo ni wende chwo kata wende mon pod nyalo miya ilo? Ooyo ruoth, ok owinjore amedni ting’ kayiem.

Zaburi 71:18

To kaka koro ati, kendo wiya oselokore lwar, yie kik ijwang’a, yaye Nyasaye! Bed koda ka ahulo tekoni gi duong’ni ni tienge duto mabiro.

Zaburi 73:26

Parona gi denda nyalo bedo manyap, to in e tekra, A Nyasaye. In kendi e mwanduna nyaka chieng’.

Zaburi 90:10

Hik dhano gin piero abiriyo, to ka ng’ato nigi ngima maber, to onyalo dak higni piero aboro. To hignigo duto kelonwa mana chandruok gi kuyo. Ngimawa rumo piyo, kendo walal nono.

Isaya 46:4

Kata ka udoko moti, to pod an e En. Adier, kata ka wiu oti lwar, to pod nating’u ating’a. Kaka asechueyou, e kaka abiro ting’ou. Ee, pod abiro ting’ou kendo resou.

2 Timotheo 1:12

Mano ema omiyo aneno masira kama, to wiya ok nyal kuot, nikech ang’eyo Jal mane ayie kuome, kendo aonge gi kiawa ni gima asemiye, onyalo ritona nyaka chop chieng’ Bura.

2 Timotheo 4:18

Bende ang’eyo ni Ruoth pod biro resa kuom gimoro amora madwaro hinya, mi ochopa maber e polo kuma olochoe. Duong’ obedne nyaka chieng’. Amin.