Zaburi 70:2 - MUMA MALER 2015

² We joma dwaro ketho ngimana wigi okuodi, mi ng’eng’ nono, bende jogo ma giyo ka mor ni ahinyora, onego dwok chien ka wigi okuot.

Motingʼo Loko Manyien

² Mad joma dwaro ngimana yud wichkuot kendo pachgi lal; mad ji duto ma gombona hinyruok dog kuma giaye ka giyudo achaya.

Zaburi 70:2 ပူးပေါင်းရင်းမြစ်များ

Zaburi 109:29

We wasika wigi okuodi, mi girwak wichkuot ka kandhu.

Zaburi 141:1

A Ruoth Nyasaye, akwayi ni mondo ikonya piyopiyo! Yie iwinja ka aluongi.

Zaburi 22:12

Wasigu mang’eny, olwora ka ruedhi. Giduto gigoyona ageng’a mana ka ruedhi makwiny mag Bashan.

Zaburi 22:20

Resa mondo kik ligangla nega. Adier, res ngimana kuom guogigo kendo kuom sibuochego. Bende resa kuom ruedhi makinygo.

Zaburi 35:26

Mad lo joma goyona siboi ka an e chandruok, mi ng’eng nono. Onego wichkuot maduong’ mak jogo ma paro ni beyo moloya.

Zaburi 35:4

kendo mad jogo ma chano timona gik maricho dwok chien, mi ng’eng nono.

Zaburi 40:14

We joma dwaro ketho ngimana oyud wichkuot giduto, mi ging’eng nono. Bende jogo ma giyo kamor ni ahinyora onego dwok chien, kendo wigi okuot.

Zaburi 6:10

Wasika duto biro yudo wichkuot, kendo gibiro chandore malit. Gibiro dok chien apoya ka gikia kuma gidhiye.

Zaburi 71:12

A Nyasaye, kik ibed mabor koda, to yie ikonya piyo, yaye Nyasacha.

Zaburi 71:13

Joma nega onego lo kendo rum. Adier, mad kuod wi joma dwaro hinya, mi ng’eng’ nono.

Isaya 28:13

Mano omiyo Ruoth Nyasaye nochak owuo kodgi kadhum gi weche ma onge tiendgi! To ka giwinjo wechego, to ginichwanyre, mi gipodh kendo gitur. Ginimok e obadho, mi makgi, kendo tergi e tuech.

Isaya 41:11

Koro neuru! Jogu duto ma mon kodu wigi biro kuot, mi gidhier nono. Adier, jogo duto ma kedo kodu norum mi lal nono.

Johana 18:6

Kane Yesu owachonigi ni, “An e En,” ne gidok chien, mi gipodho piny.