Zaburi 7:3 - MUMA MALER 2015

³ A Ruoth Nyasacha, kapo ni asetimo ni ng’ato marach,

Motingʼo Loko Manyien

³ Yaye Jehova Nyasaye Nyasacha, kapo ni asetimo gima kamano adieri kendo lweta osetimo gima rach,

Zaburi 7:3 ပူးပေါင်းရင်းမြစ်များ

Ayub 11:14

Gol richo kuomi, kendo riemb timbe ma ok ni kare oa dalani.

Zaburi 22:12

Wasigu mang’eny, olwora ka ruedhi. Giduto gigoyona ageng’a mana ka ruedhi makwiny mag Bashan.

Zaburi 22:20

Resa mondo kik ligangla nega. Adier, res ngimana kuom guogigo kendo kuom sibuochego. Bende resa kuom ruedhi makinygo.

Zaburi 59:3

Ok aseketho, kata timo gimoro marach, to joma kwinygo chokore mondo omonja, kendo gikiya mondo ginega.

Zaburi 66:18

Ka dine bed ni richo mitna, to Ruoth Nyasaye dine ok owinja.

Joshua 22:22

“Ruoth Nyasaye e Nyasaye Maduong’! Ruoth Nyasaye e Nyasaye Maduong’! En ema ong’eyo gima omiyo ne wagero kendoni, to un bende nyaka ung’e. Ka en adieri ni waseketho, kendo waweyo Ruoth Nyasaye, to owinjore watho.

1 Samuel 20:8

Emomiyo koro bedna jaadiera, nimar nikuong’orina e nyim Ruoth Nyasaye ni osiep manie kindwa ok norum. To ka aseketho, to nega in iwuon. Ang’o ma dimi itera ir wuoru?”

1 Samuel 22:13

Saulo nopenje niya, “Marang’o uriwona gi wuod Jesse? Nimiye chiemo kod ligangla, kendo nipenjone Nyasaye wach. Mano omiyo koro osebalo koda, kendo osebutona tinendeni.”

1 Samuel 22:8

Kara mano emomiyo uduto uriwona? Onge ng’ato kuomu mosenyisa ni wuoda notimo singruok gi wuod Jesse, bende onge ng’ato mane chunye okecha, kata mane onyisa ni wuoda nothuwo jatichna koda, mondo obutna, kaka otimo kawuononi.”

1 Samuel 24:11

Bende wuora, ng’i ine riak lawi manie lweta. Nang’ade to ne ok anegi. Mano nyalo nyisi ni aonge gi paro mar timoni marach kamano. Kata obedo ni ilawa mondo inega, an to pok akethoni.

1 Samuel 24:9

mi owachone niya, “Marang’o iyie gi joma wacho ni Daudi dwaro timoni marach?