Zaburi 69:3 - MUMA MALER 2015

³ Aseywak ni mondo okonya, mi aol, kendo dwonda rama! Wengena bende oowore kuom rangi mondo ikonya.

Motingʼo Loko Manyien

³ Koro aseywak mondo okonya mi aol; dwonda rewni. Wengena pek, ka amanyo Nyasacha.

Zaburi 69:3 ပူးပေါင်းရင်းမြစ်များ

Ayub 11:20

To joma timbegi richo norang koni gi koni, ka luoro omako, nikech onge yo moro ma ginyalo tonygo, to tho kende ema ginigen ni biro tiekogi.”

Ayub 16:16

Aseywak mi wang’a oowore, kendo okuot ma ok anyal neno,

Zaburi 119:123

Aserango warruok makare mane isingori ni ikelo, mi koro wang’a ool.

Zaburi 119:82

Wang’a koro oowore kuom rango gima ne isingori, to pod apenjo niya, “Inikonya karang’o?”

Zaburi 22:15

Tekra oduono motwo ka balatago, kendo lewa omoko e danda. Iseweya e buru ka ng’ama otho.

Zaburi 22:2

A Nyasacha, aywakni godiechieng’ to ok idwoka. Gotieno bende aywak to ok ayud kue.

Zaburi 25:21

Onego berna gi adierana keta kama ber, nimar ageno kuomi.

Zaburi 39:7

A Ruoth Nyasaye, koro ere gima anyalo geno? Genona duto aketo kuomi.

Zaburi 40:3

Ne opuonja wer manyien mipakogo Nyasachwa. Ji mathoth moneno kamano biro bedo maluor, kendo gibiro keto genogi kuom Ruoth Nyasaye.

Zaburi 6:6

Kuyo osebara ndasi. Otieno ka otieno, pi wang’a opong’o kitandana.

Zaburi 69:21

Kane kech kaya, to ne gimiya mana kwiri mondo acham, kendo kane riyo oloya, to ne gimiya mana kong andwayo mondo amadhi.

Zaburi 88:7

Ikuma marach kikecho, kendo apaka mag mirimbi nega.

Isaya 38:14

omiyo aywak mana ka opija kata akuru, kendo wengena otho bo kuom rango malo. A Ruoth Nyasaye, winj ywakna mondo ibed jawarna.

Ywagruok 2:11

Aseywak ahinya, mi wang’ a oowore kendo iya nyawni. Chunya bende chandore malit, nikech masira ma joga neno. Rawere gi nyithindo mayom nong’no tero, kendo gipodho e wang’yore mag dala.

Johana 19:28

Yesu nong’eyo ni koro gik moko duto monego timre, osetimore, omiyo nowacho niya, “Riyo oloya.” Nowacho kamano mondo ochop weche manie Muma.

Rapar mar Chik 28:32

Yawuotu gi nyiu nokaw, kendo nomi jopinje mamoko ong’iew mana kuneno, mi siso nolou kodgi, to ok nubed gi teko mar timo gimoro.

Jo-Hibrania 5:7

E ndalo mane Yesu odak e pinyni ka dhano, ne olemo, kendo osayo Nyasaye mane nyalo rese e tho, ka oywak malit, kendo pi wang’e chuer. Nyasaye nowinjo ywakne nikech dembruokne.