Zaburi 69:20 - MUMA MALER 2015

²⁰ Ayany ma ji yanyago osenego chunya ma onge kaka akony. Ne ageno ni ji dikecha, to ne ok aneno. Bende ne aparo ni dayud kony, to ne ok ayudo.

Motingʼo Loko Manyien

²⁰ Ajara osechodo chunya kendo aonge gi kar kony. Ne amanyo joma hoya, to ne ok ayudo kata achiel.

Zaburi 69:20 ပူးပေါင်းရင်းမြစ်များ

Ayub 16:2

“Asewinjo weche machalo kamago ndalo mathoth, omiyo hocho muhoyago medona mana chandruok.

Zaburi 123:4

Ka jomwandu ma josunga jarowa kuom kinde malach!

Zaburi 142:4

Arango batha koni gi koni, to ok ane ng’ama nyalo rita, kendo onge ng’ama dewa!

Zaburi 42:10

Gigoyona siboi, kendo ginyiera, ka athagora. Odiechieng’ duto gipenja niya, “Nyasachi nogo ni kanye?”

Zaburi 42:6

Chunya lit, omiyo anapare. Ee, kata obedo ni adar, mi adak kuma aora Jordan ochakoree but got Hermon kod got Miza, to pod anapare kuno.

Isaya 63:5

Ne arango ng’ama dikonya, to ne ok ayudo. Kuom mano ne adhier nono, kane ayudo ni onge ng’ama nyalo konya. To kata kamano tekona awuon ne omiyo alocho, kendo mirimba awuon ema ne okonya.

Mathayo 26:56

To magi duto otimore mondo wach mane jonabi ondiko ochop kare.” Eka jopuonjrene duto noringo moweye.

Mariko 14:37

Ne odok ir jopuonjre adek kande, monwang’o ka nindo oterogi, mi openjo Petro niya, “Simon, inindo? Ok inyal neno kata mana kuom sa achiel kende?”

Mariko 14:50

Eka jopuonjrene duto noringo, moweye.

Johana 12:27

“Koro chunya parore, to dawach ang’o? Dakwa Wuora mondo oresa kuom gima dwaro tima sanini? Ooyo, ok kamano, nikech mano e gimomiyo abiro e sani.

Johana 16:32

To winjuru! Ndalo biro, kendo ose mana chopo, ma nokeue, mi ng’ato ka ng’ato dhi e dalane owuon, mi uweya kenda. To chutho ok an kenda, nikech Wuora ni koda.

Jo-Hibrania 11:36

Jomoko ne oyany kendo ochwadi, to jomoko ne otue mi oketi e jela.