Zaburi 66:3 - MUMA MALER 2015

³ Pakuru Nyasaye niya, “Mano kaka gik mitimo lich miwuoro! Tekoni duong’ ahinya, omiyo wasiki kulore gi luoro e nyimi.

Motingʼo Loko Manyien

³ Wachne Nyasaye niya, “Mano kaka timbe mitimo dongo! Tekoni duongʼ manade, mamiyo wasiki duto leny nono koneni.

Zaburi 66:3 ပူးပေါင်းရင်းမြစ်များ

Ayub 25:2

“Nyasaye nigi teko mathoth, omiyo ji duto nyaka luore. Orito polo gi kue.

Zaburi 18:44

Kane giwinjo humba, to ne giyie lochna mana gikanyono. Ji moa e pinje mamoko ne biro ira kobolore.

Zaburi 18:45

Chunygi nool, mi ne giwuok ka gitetni kuma ne oyudo gipondoe.

Zaburi 47:2

Mano kaka Ruoth Nyasaye Maduong’ Moloyo lich miwuoro! En Ruoth Maduong’ morito piny ngima,

Zaburi 65:5

A Nyasachwa kendo jawarwa, idwokowa kitimo gik madongo miresowago. In ema ji duto modak e piny ogeno kuomi, koda ka joma odak kuonde maboyo loka nam.

Zaburi 68:30

To kwer piny Misri, machalo gi le mager modak e odunduno, kendo kwer ogendini mamoko, machalo kweth ruedhi gi nyiroye. Giduto mondo gikulreni, ka gikeloni fedha. Ka ogendini duto mohero lweny.

Zaburi 76:12

En ema omiyo jodongo bolore, kendo obwogo ruodhi madongo mag piny.

Zaburi 81:15

Jogo mamon koda dikulre e nyima ka luoro omako, kendo digiyud kum mochwere.

Wuok 15:21

Miriam nowernigi niya: “Weruru ni Ruoth Nyasaye, nikech oseyudo duong’ mipako ahinya! Osewito farese gi joithgi e nam!”

Isaya 2:19

Ka Ruoth Nyasaye oa malo mondo oyieng piny, to ji nodonj e buche manie lwendni, kata manie lowo, ka giluoro duong’ malich mar Ruoth Nyasaye kod tekone.

Isaya 25:3

Mano emomiyo oganda makwiny miyi luor. Adier, mier mag ogendini mager oluori,

Isaya 40:26

Ting’uru wengeu malo e polo, mondo upar ane ng’ama ne ochueyo gigo duto. Donge en mana Jal mane otelo ni oganda mar sulue, ka oluongo moro ka moro gi nyinge, mana ka gima en jaduong’ lweny motelo ni jolwenje? Tekone maduong’ malich omiyo onge kata mana sulue achiel ma ok ochung’ kare.

Isaya 64:3

Kane itimo honni mane ok wagen ni wanane, ne ilor piny, mi gode oleny e nyimi.

Jeremia 10:10

To Ruoth Nyasaye e Nyasaye maradier. En e Nyasaye mangima, kendo ruoth mochwere. Ka okecho to piny yiengni, kendo ogendini ok nyal siro mirimbe.