Zaburi 5:9 - MUMA MALER 2015

⁹ Adiera onge e dho wasika. Kethruok kende ema nie chunygi. Dhogi chalo gi bur mong’amo dhoge, kendo gipero ji apera gi dhogi.

Motingʼo Loko Manyien

⁹ Kata wach achiel mowuok e dho jogi ok nyal gen; chunygi opongʼ gi kethruok. Dwondgi chalo gi liel mapok oum; lewgi olony e wacho miriambo.

Zaburi 5:9 ပူးပေါင်းရင်းမြစ်များ

Ezra 8:21

Bang’ mano nagolo chik mondo wari kech e dho aora Ahava kanyo, ka wabolore e nyim Ruoth Nyasaye ma Nyasachwa, kendo wakwaye mondo oritwa gi nyithindwa kod giwa duto e wuodhwa.

Zaburi 27:11

A Ruoth Nyasaye, pwonja gima idwaro mondo atim, kendo telna mondo aluw yo maber mondo atony nikech wasigu obutona.

Zaburi 51:6

To chuny man gi adiera ema idwaro, omiyo pong’ parona gi riekoni.

Zaburi 52:2

Ichano timbe ma idwaro hinyogo ji, kendo lewi mihangogo ji bith ka wembe.

Zaburi 62:4

Udwaro gole mondo oa e duong’ne, kendo umor gi wacho miriambo. Uguedhe gi dhou maoko, to chunyu maiye kuong’e akuong’a.

Zaburi 62:9

Adier, dhano chalo mana gi muya, kendo onge gima onyalo. Ka ikete e rapim, to ok opek kata matin. Oyot moloyo muya!

Zaburi 64:6

Gichano timbegi maricho gi rieko maling’ling’. Yaye! Chuny dhano gi parone lich manade!

Zaburi 69:19

In ing’eyo kaka ji miya chuny lit, kendo ing’eyo kaka gijara kendo gikuodo wiya, wasika duto bende ineno.

Ngeche 29:5

Ng’at ma pero wadgi chiko obadho mana ni en owuon.

Isaya 26:7

Yor ng’at makare oriere tir, nikech in ema iloso ni joma long’o yo ma onego giluw.

Jeremia 17:9

“Ere ng’ama nyalo ng’eyo gima chuny dhano paro? Onge gima jamriambo kaka chuny dhano. En gi tuoche mang’eny ma ok nyal chango.

Jeremia 4:14

Un jo-Jerusalem, lwokuru richo manie chunyu mondo oresu. Ubiro siko kuparo weche maricho nyaka karang’o?

Mika 6:12

Joma jomoko manie dalani mayo joma odhier. Gin jomriambo mosiko ka hango wach ahanga.

Luka 11:39

Kuom mano, Ruoth Yesu nowachone ni, “Un jo-Farisai uluoko kang’e agwata kod kang’e tawo, to chunyu opong’ gi mecho kod richo mamoko.

Luka 11:44

Mano kaka unune malit, nikech uchalo gi liete mag joma otho, ma ok oketie alama, ma ji wuotho e wigi ka ok ong’eyo, mi dok magak!”

Jo-Rumi 3:13

“Dhogi chalo gi bur mong’amo dhoge, kendo giwacho mana miriambo lilo.” “Wechegi chalo gi kwich thuond rai.”

1 Jo-Thesalonika 2:5

Ung’eyo maber ni ne ok wakonyre ngang’ gi weche miwuondogo wang’ ji, kendo Nyasaye ong’eyo ni ne waonge gi gombo moro mwapando e chunywa.