Zaburi 5:4 - MUMA MALER 2015

⁴ In ok in Nyasaye ma mor gi timbe maricho, kendo jaricho ok nyal biro e nyimi.

Motingʼo Loko Manyien

⁴ Ok in Nyasaye mamor gi timbe maricho. Joma richo ok nyal dak kodi kanyachiel.

Zaburi 5:4 ပူးပေါင်းရင်းမြစ်များ

1 Weche mag Ndalo 29:17

A Nyasaye, ang’eyo ni inono chuny dhano, kendo adiera ema ihero. Asemiyi chiwogi duto gi mor kendo gi chuny makare, to koro amedo bedo gi ilo kaneno jogigi, bende ka goloni chiwo gi mor.

Zaburi 101:7

Onge ng’at ma jawuondre ma nodag e oda, kendo ok nane jamriambo e wang’a.

Zaburi 11:5

Onono joma beyo kaachiel gi joma richo, kendo chunye mon gi ng’at matimo timbe mahundu.

Zaburi 140:13

Joma kare biro pako nyingi adier, kendo ginibed ka gilemo e nyimi.

Zaburi 50:21

Isetimo gigi duto, to nikech ok asewacho gimoro, omiyo iparo ni achalo kodi. To koro abiro kweri e wang’i ka anyisi wechego duto, achiel ka achiel!

Zaburi 63:2

Kuom mano, we aneni e kar dakni maler, mondo aneye tekoni gi duong’ni.

Zaburi 88:14

Ere gima omiyo idaga, A Ruoth Nyasaye? Ang’o momiyo ipandona wang’i?

Zaburi 92:15

Mano nyiso ni Ruoth Nyasaye ma lwandana en jaadiera. Adier, tim moro marach onge kuome.

Zaburi 94:20

In ibet mabor gi jong’ad buch amwor, ma miyo timbe maricho nenore ka gik ma chik oyiego,

Habakuk 1:13

In to iler ma ok inyal yie neno richo, kata yie neno timbe mamono. Koro ere gima omiyo irango aranga joma andhokegi, to ok itim gimoro? Koso ang’o momiyo iling’ aling’a ka joma richo tieko joma kare moloyogi.

Malaki 2:17

Wecheu osemiyo Ruoth Nyasaye ool. To kupenjo ni ere kaka usemiyo ool, to odwokou niya, “Umiyo aol kuwacho ni Ruoth Nyasaye kwano joma richo ka joma beyo, kendo oherogi. Bende usemiyo aol kupenjo ni, ‘Ere Nyasachwa ma ng’ado bura kare?’ ”

Johana 14:23

Yesu nodwoke niya, “Ng’at mohera norit wachna. Wuora bende nohere, mi wanabi ire, kendo wadag kode.

Jo-Hibrania 12:14

Temuru mondo ubed gi kue kod ji duto, kendo beduru gi ngima maler, nikech ka ng’ato ok ler, to ok none Ruoth.

2 Petro 3:13

To wan warito polo manyien kod piny manyien, kuma tim makare nitie, kaka ne Nyasaye osingorenwa.

Fweny 21:23

Dalano ok dwar chieng’ kata due marieny kuome, nikech duong’ maler mar Nyasaye ema miye ler, kendo Nyarombo e tache.

Fweny 21:27

To gimoro amora ma ok ler, kata ng’at matimo gik mamono, kata mariambo, ok nodonjie ngang’ to mak mana jogo ma nyinggi ondiki e kitap Nyarombo mar ngima.