Zaburi 40:3 - MUMA MALER 2015

³ Ne opuonja wer manyien mipakogo Nyasachwa. Ji mathoth moneno kamano biro bedo maluor, kendo gibiro keto genogi kuom Ruoth Nyasaye.

Motingʼo Loko Manyien

³ Ne oketo wer manyien e dhoga, en wer mipakogo Nyasachwa. Ji mangʼeny biro neno mi gibed maluor kendo gibiro keto genogi kuom Jehova Nyasaye.

Zaburi 40:3 ပူးပေါင်းရင်းမြစ်များ

Zaburi 119:133

Kik iwe apodhi, to sira kaka isesingori, kendo kik iwe richo hewa.

Zaburi 142:7

Ee, gola e od tuech mondo abi apak nyingi e chokruok mar joma kare, nikech isebedona mang’won.

Zaburi 144:9

Anawerni wer manyien, A Nyasaye, kagoyoni thum mamit.

Zaburi 27:5

E kinde mar chandruok to enopanda e ode. Ee, enokana maber e Hekalune, mi oketa ewi lwanda mabor mondo akwo.

Zaburi 33:3

Werneuru wer manyien, kendo goneuru thum mamit, kuwer matek.

Zaburi 35:27

To joma mor ni aloyo bura, onego kog gi ilo ka giwacho ding’eny niya, “Ruoth Nyasaye duong’ miwuoro, kendo omor ka jatichne dhi nyime maber.”

Zaburi 37:23

Ruoth Nyasaye telo ni dhano e yo monego oluw. Omako dhano matek, kendo orango kama oluwo.

Zaburi 52:6

Joma oluoro Nyasaye none gima otimoreni, mi ginibed maluor. Gininyieri, ka giwacho niya,

Zaburi 69:3

Aseywak ni mondo okonya, mi aol, kendo dwonda rama! Wengena bende oowore kuom rangi mondo ikonya.

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Tich Joote 4:4

To joma thoth kuom ji mane owinjo wach Petro gi Johana noyie, kendo kar romb joma chwo duto moyie koro ne dirom alufu abich.

Fweny 14:3

Ne giwero wer manyien e nyim kom duong’ kendo e nyim gik mangima ang’wen kod jodongo kande. To onge ng’ama ne nyalo puonjore wendno mak mana ji alufu mia achiel gi mia ang’wen gang’wen, (144,000) ma gin kende e joma ne owar oa e piny.