Zaburi 4:2 - MUMA MALER 2015

² Un ji ubiro yanya nyaka karang’o, kuhero mana gik manono, kendo kuluwo yore mag miriambo?

Motingʼo Loko Manyien

² Yaye, ubiro chayo duongʼ ka ukuodo wiya nyaka karangʼo? Ubiro hero gik manono kendo luwo nyiseche manono nyaka karangʼo? Sela

Zaburi 4:2 ပူးပေါင်းရင်းမြစ်များ

Zaburi 106:20

Ne giwilo duong’ mar Nyasaye, mana gi kido mar chiayo machamo lum!

Zaburi 14:6

Gidwaro ketho cheno mag ng’at makare, to Nyasaye ema rite.

Zaburi 2:1

Ere gimomiyo ogendini timo koko? Ang’o momiyo gichano timo gik manono?

Zaburi 3:3

To in Nyasaye, in e okumba mogeng’ona chandruok. Imiyo abedo jaloyo, kendo iduogo tekra.

Zaburi 31:6

Imon gi joma lamo nyiseche ma nono, an to ageno kuomi.

Zaburi 5:6

Itieko jomriambo duto, kendo ichayo jomahundu kod jowuond duto.

Zaburi 50:15

Luongauru e kinde ma unie chandruok, mi anaresu, kendo unumiya duong’.

Zaburi 57:4

Anindo e kind sibuoche ma dwaro chamo ji. Lekegi to chalo gi ligangla ma dhoge bith.

Zaburi 58:1

Un ruodhi marateke, bende uyalo ji maber, ka ung’ado bura kare e kind ng’ato gi wadgi?

Zaburi 58:3

Joricho timbegi obam e ngimagi duto. Giwacho miriambo, chakre chieng’ monywolgie.

Zaburi 63:11

Ruodhwa to nobed mail nikech Nyasaye, kendo jogo duto matimo singruok e nying Nyasaye bende nobed mamor. Jomriambo to noum dhogi!

Zaburi 72:2

Kamano enorit jogi gi adiera, kendo notel ni jochan e yo makare.

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Ngeche 1:22

Owacho niya, “Koro un joma ofuwogi, udwaro chalo kama nyaka karang’o? Koso nyaka karang’o ma ubiro tugoe gi rieko? Un ok unyal puonjoru ngang’?

Eklesiastes 8:11

Ji ketho aketha ma ok odewo, mana nikech gineno ni kata ka ng’ato oketho, to ok yud kum piyo kaka owinjore.

Eklesiastes 9:3

Adier, gimoro achiel ema timore ni ji duto machalre, kendo mano rach moloyo gik moko duto maricho matimore e piny ka. E kinde duto ma ji ngima, to chunygi opong’ gi richo kod gik manono, to bang’e githo mana apoya.

Isaya 20:5

Ji duto nogore nyang’eng’a ka geno ma gigenogo kuom jo-Ethiopia, kendo sunga ma gisungorego ni jo-Misri dikonygi, nolal nono.

Isaya 45:17

Jo-Israel to Ruoth Nyasaye noresi gi resruok mosiko. Piny ok nochak ochamgi, kata ok ginichak gigore nyang’eng’o kendo nyaka chieng’.

Isaya 59:4

Onge ng’ama donjo ni wadgi e yo makare, kata ma yalo bura gi adiera, to ji duto ogeno kuom weche manono kod miriambo. Gichano weche maricho e chunygi, ma bang’e nywolo mana chandruok.

Jeremia 2:11

ka oganda moro oseweyo nyisechegi, moluwo nyiseche mamoko, kata obedo ni ok gin nyiseche madieri kamano? To un joga, useweya, an Nyasachu moseting’ou malo, mi ulamo nyiseche ma ok nyal konyou.

Jeremia 2:5

Ruoth Nyasaye owacho niya, “Ang’o marach mane kwereu oneno kuoma, mane omiyo giweya? Ne gilamo nyiseche manono, mi gin bende gidoko joma nono.

Jeremia 9:3

Lewni chalo gi atung’ moywa, kendo diro miriambo mana kaka atung’ diro asere, bende timbe miganga ema opong’o piny.” Ruoth Nyasaye owacho niya, “Joga timo richo kinde duto, kendo ok gidewa.

Hosea 4:7

“Kaka jodolo medore e kaka gimedo timo richo e nyima. Abiro loko nying maber ma gin go obed nyiero.

Jona 2:8

Joma lamo nyiseche manono nyalo weyo gik ma gigeno kuomgi,

Kwan 14:11

Ruoth Nyasaye nowacho ni Musa niya, “Jogi biro chaya kamano nyaka karang’o? Pod gibiro tamore gena marom nadi, to eka asetimonigi ranyisi mang’eny?

Tich Joote 24:9

Jo-Yahudi bende noriwore gi Tertulo, ka giramo ni wechego duto gin adier.

1 Jo-Korintho 1:31

Mano emomiyo, “Ng’at madwaro sungore to mondo osungre mana nikech gik ma Ruoth osetimo,” mana kaka Muma wacho.

Jo-Efeso 4:25

Emomiyo koro weuru miriambo! Ng’ato ka ng’ato mondo owach ni wadgi mana adiera, nikech wan duto wan fuond ringruok achiel.

1 Samuel 12:21

Weuru lamo nyiseche manono, ma ok nyal konyo, kata ma ok nyal reso gimoro, nikech gin mana gik manono.