Zaburi 38:2 - MUMA MALER 2015

² Isebaya gi asere mi ichwowa, kendo lweti odiya piny.

Motingʼo Loko Manyien

² Nikech aserni magi osechwoya, kendo lweti osebet kuoma.

Zaburi 38:2 ပူးပေါင်းရင်းမြစ်များ

Zaburi 32:4

A Ruoth Nyasaye, ne ikuma odiechieng’ gotieno, mi tekra ne oduono chuth, mana ka pi ma duno e ndalo oro.

Ayub 6:4

Nyasaye Manyalo Gik Moko Duto osechiela gi aserni mage, kendo kwichgi landore e denda duto. Adier, masiche moa kuom Nyasaye olwora koni gi koni.

Ywagruok 3:12

Oseywayo atung’e, mi ochiela gi aseche.

Zaburi 64:7

To Nyasaye tiekogi gi aserni mage, kendo gipo mana ka ohinygi malit.

Zaburi 21:12

Obiro chielogi gi aserni, mi gimuoch gi ng’uech.

1 Samuel 6:9

kung’iye. Kapo ni ochiko yo madhi thurgi nyaka Beth-shemesh, to wanang’e ni kara Ruoth Nyasaye ema osekelonwa masirani. To ka ok oluwo yorno, eka wanang’e ni ok en ema osandowa, to en gimoro mobironwa abira.”

1 Samuel 5:11

Emomiyo ne giluongo ruodhi duto mag jo-Filistia, mi giwachonigi niya, “Dwokuru Sanduk mar Nyasach Israel kare, mondo kik onegwa waduto.” Ji mang’eny notho e dalano, nikech Nyasaye nosandogi malit.

1 Samuel 5:6

Ruoth Nyasaye nosando jo-Ashdod malich, mi luoro omakogi. Nogoyogi gi tuo mar buche, kendo oyieyo bende nopong’o pinygi.

Ruth 1:13

bende da uyie rito nyaka gidok madongo? Duritru mak okendu? Ooyo nyiga, an ema anie chandruok moloyo un, nimar Ruoth Nyasaye osekuma.”

Rapar mar Chik 2:15

Ruoth Nyasaye ema nokelonigi masira, motiekogi pep, ma onge kata ng’atgi achiel mane odong’ e kambi.

Zaburi 6:2

Yie ikecha, nikech aol. Duogna teko, nimar arumo ka bend dak,