Zaburi 32:3 - MUMA MALER 2015

³ E kinde mane pod aling’ mak ahulo richona chokena ne muodore nikech ne aywak odiechieng’ duto.

Motingʼo Loko Manyien

³ Kane alingʼ to chokena ne ochiyore, kane achur odiechiengʼ duto ma ok aywe.

Zaburi 32:3 ပူးပေါင်းရင်းမြစ်များ

2 Samuel 11:27

To kane ndalo ywakne orumo, Daudi nooro joote moome, kendo nobedo chiege, monywolone wuowi. To gima ne Daudi otimono ne ok long’o ni Ruoth Nyasaye.

Ayub 3:24

Kar chiemo to aywak, bende asiko ka achur achura.

Ayub 30:17

Otieno to chokena muodore, kendo rem machamano ok nyal kue.

Ayub 30:30

Denda oselokore rateng’, kendo opokore, midhusi bende ohinga.

Zaburi 22:1

Yaye Nyasacha, Nyasacha, iweya nang’o? Aseywak malit mondo ayud kony, to ok anyal yudo.

Zaburi 38:3

Atuo malich nikech mirimbi. Denda duto tuo ogoyo nikech richona.

Zaburi 38:8

Anyosora kendo denda duto oriemo marach. Chunya chandore, kendo achur malit.

Zaburi 51:8

We mondo ayud mor maduong’. Kata obedo ni isegoya, mi itura kamano, to anachak abed mamor kendo.

Zaburi 6:2

Yie ikecha, nikech aol. Duogna teko, nimar arumo ka bend dak,

Ngeche 17:22

Chuny mamor kelo ngima maber, to chuny mool kelo tuo.

Ngeche 28:13

Ng’at ma temo pando richone ok nyal dhi maber, to ng’ama hulo richone kendo weyo ema Nyasaye kecho.

Isaya 51:20

Ruoth Nyasaye okumo yawuoti gi kum mager. Ginindo e yore duto mana ka gima gimer, kendo mana ka le ma obadho omako.

Isaya 57:17

Kuom kinde moko, ne akecho ka aneno ketho jo-Israel. Ne agoyogi ka mirima oloya, mi apandonigi wang’a, to ne giringo ka joneko, mi gidhi kuma gin ema gihero.

Isaya 59:11

Wang’ur mana ka ondiegi, kendo waywagore malit mana ka tula. Wageno yudo adiera, to ok wayudi. Warito resruok to pod en mabor ahinya.

Ywagruok 1:3

Kane jo-Juda osepodho, mi othirgi, ne otergi e tuech. Koro gidak e kind ogendini, to kuondego bende ok giyudie kue. Joma ne sandogi duto osejukogi, ke gin e thagruok malich kamano.

Ywagruok 3:4

Osemiyo denda dhi adhiya; chokena bende oseturo

Ywagruok 3:8

Bende kata ka aywak, kendo aluonge mondo okonya, to ok odwar winjo kwayona.

Hosea 7:14

Ok giselama gi adiera, to girudhore piny ka giywak, kendo ka gilama mondo amigi cham gi divai, to ging’olo dendgi mana ka joma lamo nyiseche manono. To gisetamore mako chikna.

1 Samuel 31:13

Eka ne gikawo chokegi, mi giyiko e tiend yath moro man Jabesh, kendo ne gitueyo chiemo ndalo abiriyo.