Zaburi 27:3 - MUMA MALER 2015

³ Kata ka oganda lweny maduong’ ema obiro mondo omonja, to ok dabed maluor, kendo kata ka an e lweny mager, to pod ageno mana kuom Nyasaye.

Motingʼo Loko Manyien

³ Kata ka jolweny ogoyona agengʼa koni gi koni, to chunya ok bi luor; kata ka lweny otugorena, to pod abiro mana bedo gi chir.

Zaburi 27:3 ပူးပေါင်းရင်းမြစ်များ

2 Weche mag Ndalo 20:15

Nowacho niya, “Un jo-Juda duto gi joma odak Jerusalem, kod ruoth Jehoshafat, winjuru gima Ruoth Nyasaye owachonu. Owacho ni kik uluor oganda maduong’ni, kendo chunyu kik parre, nimar lweny ok en maru to en mar Nyasaye.

Ayub 4:6

Donge yie ma in go kuom Nyasaye kueyo chunyi? Koso donge igeno kuom timni makare?

Zaburi 112:7

Ok oluoro winjo weche makelo kuyo, nikech yie ma en go otegno, kendo ogeno kuom Ruoth Nyasaye.

Zaburi 3:6

Ok aluoro wasigu gana gi gana molwora koni gi koni.

Zaburi 3:7

A Ruoth Nyasaye, bi mondo iresa! In ihewo wasika duto, kendo itieko joma timbegi richo pep!

Zaburi 52:6

Joma oluoro Nyasaye none gima otimoreni, mi ginibed maluor. Gininyieri, ka giwacho niya,

Jo-Filipi 1:28

Kik uluor wasiku, to pile beduru gi chir, nikech mano biro nyisogi ni gin ginilal, to un noresu, nikech Nyasaye owuon ema biro nyisogi kamano!

1 Petro 3:14

To bende kata kapo ni uyudo sandruok nikech timbe mabeyo, to mano kaka un johawi! Kik uluor ji, kendo kik uwe gibwogu.

Fweny 2:10

Kik iluor sand ma ibiro yudo, nikech jachien biro bolo jomoko kuomu e jela mondo otemu, kendo ubiro yudo sandruok kuom ndalo apar. To bed jaadiera nyaka kar tho, mi anamiyi osimbo mar ngima, kaka ranyisi ni iselocho.

1 Samuel 19:8

Lweny nochako owuok, mi Daudi nodhi kedo gi jo-Filistia, moloyogi chuth, nyaka ne giringo.